Chi prima va al mulin prima màsena.
Co l'età, l'omo fa panza e la fémena fa stomego.
A San Saturnin la neve sol camin. (28/11)
Né zarese, né galete in granaro no se mete.
Chi somena spini no vaga descalzo.
El vin al saore, el pan al colore.
Tira depì on pelo de mona che on paro de buò.
Dele volte el Santo xe grande, ma el miracolo xe picolo.
Amore de soldà, oncuò qua, doman là.
Nose e pan, pasto da vilan.
Dopo i confeti se vede i difeti.
Se Majo rasserena, ogni spiga sarà piena.
La prima fachina, la seconda regina.
Carne che cresse no sta mai ferma.
La morte del lovo xe la salute dele piègore.
Dona e luna, ora serena ora bruna.
de ruina; se tona a mezodì o sera, bon ano se spera; se 'l primo ton el vien dal mantovan vale depì el saco del pan.
No ghe xe carne in becaria che presto o tardi no la vaga via.
Drio ai ani ghe va el judizio.
Omo lodà, o morto o scanpà.
La rosà de Majo guarisse le buganze de genajo.
No ghe xe polastrina che par le feste de Pasqua no sia galina.
Da tristi pagadori se tole ogni moneda.
Par ben lustrare ghe vole ojo de gunbio.
A pensar mal se fa pecà, ma se indovina senpre.
Se no ghe fusse la cola e 'l stuco el marangon sarìa distruto.
El moleta fà girare la rua, el cortelo intanto se frua.
A San Benedìo le ròndene torna indrio. (21/3)
A sentarse so do careghe el culo se sbrega.
Chi ciama Dio no xe contento, chi ciama el diavolo xe disperà, chi dise ahimè xe inamorà.
Mati chi mete e mati chi no mete.
Né re, né disnare no se fà mai spetare.
Chi che ga on mistièro in man da par tuto trova pan.
El moleta fà girare la rua, el cortelo intanto se frua.
La pezo roa del caro xe quela che ruza.
El carbon l'inzende o l'intenze.