Al busiaro no se ghe crede gnanca quando che'l dise la verità.
Quando a Novenbre el vin no xe pì mosto, la pitona xe pronta par el 'rosto.
Quando ruza el fogo, zente, parente o lengua maldizente.
A San Martin, castagne e vin.
Par on frate scontento no se sara el convento.
Chi no ga testa ga ganbe.
Co' la vaca tien su el muso, bruto tenpo salta suso.
Se el primo tenporale el se sente a vale, bon ano senza tonpesta; se da monte a matina, on ano de ruina; se tona a mezodì o sera, bon ano se spera; se'l primo ton vien dal mantovan, vale pì el saco del pan.
De drio d'i s-ciopi, d'i cavai davanti e distante dai mati.
Mèjo na torta in du che na merda da ti solo.
Vinti munari, vinti sartori e vinti osti fà sessanta ladri.
A on belo senpre ghe manca, a on bruto senpre ghe vanza.
Da la Befana la rapa xe vana.
Baso no fa buso, ma xe scala par andar suso.
Beato l'Istà co tuti i pulzi e i zìmesi che'l ga.
Dopo i Santi, fora el tabaro e anca i guanti.
No ghe xe rizeta par la paura.
Co' ghe n'è massa le cioche se beca.
Far ciaro ai orbi e predicare ai sordi el xe tenpo perso.
Chi magna salata fà la vita beata.
Se Marzo resenta, fromento e polenta.
Chi che ga na vacheta ga na botegheta.
Carità de man, bontà de core.
El vin bon no ga bisogno de frasca.
Se piove ai primi de Majo, nose e fighi fà bon viajo.
El primo ano se ghe vole tanto ben che la se magnaria, el secondo se se ciama grami de no verla magnà.
Vàrdate dal culo del mulo, dal dente del can e da chi che tien la corona in man.
Dura depì i loamari che i pajari.
Chi che varda in suso se inbalza.
Bacalà a 'la visentina, bon se sera e de matina.
Aprile, on'ora el pianze, on'ora el ride.
Sant'Urban pastore de nuvole.
Par i orbi no xe mai ciaro.
Sant'Antonio del paneto el vien col segheto. (13/6)
Co' te senti le racolete cantare xe rivà la primavera.
Chi se taja el naso se insànguena la boca.
On bel védare fà on bel crédare.
Par Santa Pologna la tera la perde la rogna.
Dona de mondo no ga mai fondo.
