Faustin, poco pan e tanto vin.
Aprile la spiga, Majo el late, Giugno el gran.
De Febraro ogni gata va in gataro.
Dura depì i loamari che i pajari.
Mèjo piànzarli morti inocenti che vivi delinquenti.
Tre volte bon fà mona Tri ani dura on sieve , tri sieve dura on can, tri can dura on cavalo.
A chi nasse scarognà ghe piove sol culo stando sentà.
Roa roa, tuti a casa soa.
Xe pì fadiga far la guardia a na fémena che a on saco de polde
Se piove a San Duane se suga le fontane.
Chi fà pì dela mama, ingana.
No ghe xe farina senza sémola, nosèla senza scorza, gran senza paja e omo senza difeti.
Novenbre e Dicenbre benedisse Setenbre.
Sbaglia anca el prete a dir messa.
L'omo: che'l sia san, cristian e che'l sapia guadagnarse el pan.
Chi va in leto senza zena tuta la note se remena.
Mèjo le braghe sbuse sol culo che el culo sbuso so le braghe.
Marzo, par quanto tristo che'l sia, el buò al'erba e 'l cavalo al'onbrìa.
Carità par forza, fiore che spuza.
Sola boca dela zente se ghe riva fassilmente.
El vento forte inpiza el fogo o 'l lo stua.
Santa Luzzia el fredo cruzzia. (13/12)
Quando la mojère se mete le braghesse, al marìo no ghe resta che le còtole.
Quando che la merda monta in scagno, o che la spuza o che la fà dano.
Culo che caga no ghe xe oro che lo paga.
El fogo serve de conpagnia.
Fiuri e fruti se pol tore da tuti.
El zogo rìsega la vita e ròsega la roba.
Xe mejo 'vere el capelo a busi che le scarpe a tochi.
La passienza xe la minestra dei bechi e la speranza xe l'altare dei cojoni.
La roba no xe de chi che la fà, ma de chi che la gode.
Viso belo pare bon co qualunque capelo.
No fare el passo pì longo del ganba.
Chi prima no pensa dopo sospira.
Boca onta no la pole dire de no.
Xe mèjo on mòcolo che 'ndare in leto al scuro.
Ai du passa la nuvola del Perdon. (2/8)
Par i Santi, neve sui canpi; par i Morti, neve sui orti.
