Legna de fasso presto te vedo e presto te lasso.
Santa Madaléna, onguenti e balsami la ne insegna. (22/7)
Chi che se marida vecio sona de corno.
Vinti munari, vinti sartori e vinti osti fà sessanta ladri.
La boca la xe picola, ma la xe bona de magnare canpi e velada.
Chi che ga le zuche no ga i porzei.
El gato sol fogolaro xe segno de miseria.
A Sant'Erman le arte in man. (8/2)
El vin de casa no inbriaga.
Scarpa larga e goto pien, ciapa le robe come le vien.
Aprile ga el fiore, Majo l'odore.
Boca onta no la pole dire de no.
Co' la man se parte, la boca se verze.
L'omo: che'l sia san, cristian e che'l sapia guadagnarse el pan.
A San Zen, somenza in sen. (12/4)
La bona maniera la piase a tuti.
Co le beleze no se magna.
Fin che ghe xe fià ghe xe speranza.
Bela in fassa, bruta in piaza.
Bisogna avere oci anca sol culo.
Né na parola dita, né on naso tirà no torna indrio.
A morire e a pagare se fa senpre tenpo.
Chi prima no pensa dopo sospira.
La tera e i canpi li laora i ignoranti.
Quando piove par la Crose, bon el gran, triste le nose.
Xe inutile cargare el s'ciopo senza balini.
Sant'Agostin, taca le màneghe al bustin.
Da San Giorgio se sòmena l'orzo. (23/4)
A San Matìo el primo tordo xe mio.
Se no te caghi te cagarè, se no te pissi te creparè: Se no te me vidi de San Giusepe patriarca, o che son perso o che son in aqua. (19/3)
El leto xe na rosa: se no se dorme se riposa.
Co l'età, l'omo fa panza e la fémena fa stomego.
El vilan xe largo de boca e streto de man.
Majo fresco e ventoso fà l'ano copioso.
Chi che se marida de carnevale slonga le ganbe e scurza le bale.
Chi va a Roma e porta on borsoto, deventa abate o vescovo de boto.
Se l'invidia fusse freve tuto el mondo scotaria.
Chi vol stare ben ciapa le roba come le vien.