Santa Poinara, la vecia (galina) sora la caponara.
El cafè xe bon sentà, scotà e scrocà.
A Santa Toscana el riso el va in cana. (14/7)
Na mota e na busa fà on gualivo.
A Sant'Isaco, el formento fora dal saco. (19/10)
Santa Fosca, se giazo la trova col fuso la scoa; se giazo no la ghe n'à catà, giazo la fà. (13/2)
Dove no ghe xe ocio no ghe xe làgreme.
Chi che ga la rogna se la grata.
A far la carità no se va in miseria.
Se fà fredo a San Luigino, farà caldo a San Paolino. (21/6-22/6)
Chi ga fato le pignate pol anca rònparle.
A voler ben a 'na bela xe pecà, a 'na bruta xe carità.
Chi che ga solo on porzelo lo ga belo, chi ga solo on tosato lo ga mato.
L'aqua de San Gregorio fà ranpegare la végna.
Quel che Lujo no vole, Setenbre no pole.
Chi porta la roba da festa ogni dì, o'l xe novizo o no'l ghe n'a pì.
L'omo pì bruto xe quelo che ga le scarsèle roverse.
Se tuti i basi fusse busi, tuti i musi sarìa sbusi.
Vàrdate dal culo del mulo, dal dente del can e da chi che tien la corona in man.
L'ospite xe come el pesse: dopo tri dì el taca a spuzare.
La prima galina che canta ga fato l'ovo.
O basa sto cristo o salta sto fosso.
Bisogna menare el dente conforme che uno se sente.
Cavalo vecio e servo cojon no inbroja el paron.
No ghe xe matrimonio che no ghe entra el demonio.
Se tuti i basi fusse busi, tuti i musi sarìa sbusi.
A Santa Crose, pan e nose. (14/9)
Se na dona xe bela, partorisse na putela.
Puina in ponta, formajo in crosta e salame in coa.
Pèto picenin, late pegorin.
Magnà i gànbari se ciucia anca le zate.
Nela luna setenbrina la sardela se rafina.
I mona se conosse da do robe: dal parlare, quando che i dovaria tasere; dal tasere, quando che i dovaria parlare che i dovaria parlare.
Uno roba la polpa e 'staltro ciapa la colpa.
Beato l'Istà co tuti i pulzi e i zìmesi che'l ga.
Vin de fiasco: ala sera bon, ala matina guasto.
Se na dona xe bela, partorisse na putela.
Par San Paolo el jazo va al diavolo.
El vilan xe largo de boca e streto de man.