Novenbre col ton, l'ano xe bon.
Vale depì uno a fare che zento a comandare.
San Biasio, ultimo barbon marcante de neve. (3/2)
Roba robà, come la vien la va.
Se varda on sbaro de erba: se pol vardare anca na persona piena de merda.
Piova d'Istà, beati che che la ga.
Marsoni friti e polentina, on fià de vézena e vin de spina.
La passienza xe la minestra dei bechi e la speranza xe l'altare dei cojoni.
Bianco e moro méname a casa.
Porco ingrassà no xe mai contento.
Co la panza piena se rajona mèjo.
Se la galina tasesse, nissun savarìa che la ga fato l'ovo.
Chi sparte e no se ne tien, el Signore no ghe vole gnanca ben.
I ovi xe boni anca dopo Pasqua.
Piove pì àneme al'inferno che neve de inverno.
Baso no fa buso, ma xe scala par andar suso.
Lujo in tana, se piove la xe na mana.
I Santi de casa no fà miracoli.
De San Martin se veste el grande e anca el picenin.
Dove che ghe xe tose inamorà, xe inutile tegnere le porte sarà.
A San Benedeto la vegna su par el paleto.
A San Martin se spina el bon vin.
I mèdeghi e le patate ga i fruti soto tera.
Ala prima aqua de Agosto, pitoco te conosso.
Quando che se sente el ton da calche parte piove.
A l'Ave Maria ogni òpara xe conpia.
A San Clemente l'inverno mete el dente. (23/11)
Se piove a San Gregorion, piove tuta la stajon. (3/9)
A chi che ga denaro forte, quando l'è vecio se augura la morte.
Cavalo vecio e servo cojon no inbroja el paron.
Uno roba la polpa e 'staltro ciapa la colpa.
Dio te varda da on magnadore che no beve.
El fero caldo deventa dolze.
Rosso de matina, o piova o piovesina.
Pan, sopressa e conpagnia su 'nte'l bosco fà alegria.
La pezo roa del caro xe quela che ruza.