Rosso de sera bel tenpo se spera.
El male che se vole no xe mai massa.
Chi dà via el fato soo prima che'l mora, el merita la morte co la mazola.
Ogni can mena la coa, ogni mona vol dire la soa.
Le femene co' le se confessa le dise senpre quelo che no le ga fato.
Chi che se marida e no sa l'uso, fa le ganbe fiape e longo 'l muso.
A San Benedeto la vegna su par el paleto.
Aprile piovoso, ano frutuoso.
L'aqua de San Gregorio fà ranpegare la végna.
Fumo e dona ciacolona fà scanpare l'omo de casa.
Pì de veci no se pole vegnere.
Sa volì védare el diluvio universale, metì dodese preti a tola a magnare.
On palo in piè, na stropa domà e na fémena colgà i porta quanto peso che te voi.
Par volere savere de tuto se sa anca de mona.
Na mota e na busa fà on gualivo.
Co' riva el trenta de Agosto tute le zuche le va 'rosto.
Co' casca l'àlbaro tuti fà legna.
Da San Valentin guerna l'ortesin. (14/2)
Carne che cresse no sta mai ferma.
Bona bota bon vin, trista bota tristo vin.
Chi va de note ga dele bote.
L'amore fà passare el tenpo, e 'l tenpo fà passare l'amore.
La piègora xe benedeta dal culo e maledeta dala boca.
El naso d'i gati, i zenoci d'i òmani e 'l culo dele fémene xe senpre fridi.
Xe pì fadiga far la guardia a na fémena che a on saco de polde
Quando che piove i mati se move.
Xe mèjo fruare scarpe che nezuoi.
De chi no se fida no ghe xe da fidarse.
Dona bela e vin bon xe i primi che te assa in abandon.
Bon marcà sbrega la borsa.
A canbiare munaro se canbia ladro.
Le bele par dileto, le brute par dispeto.
No ghe xe scoa vecia che in cao l'ano no la vegna bona.
A dire la verità ghe vole on cojon, a dire busie ghe vole on bricon.
On baso, na forbìa: el baso xe nda via.
El tenpo e la rason xe senpre del paron.
Quando che'l sorgo rosso el mostra el muso, xe ora de tore la roca e el fuso.