San Colonban el riva co la neve in man. (21/11)
Chi che ga santoli ga buzolà.
Quando canta le grole ghemo burasca par tri dì.
Carestia prevista meza carestia.
Cusina che fuma, dona cativa e coverta rota manda l'omo in malora de troto.
Sa pì el papa e on contadin che el papa da elo solo.
No se ga se no quel che se gode.
A San Luca le lòdole se speluca. (18/10)
Pan fin che'l dura, vin a misura.
Da tristi pagadori se tole ogni moneda.
Mèjo du vivi (fioi) che uno morto.
No ghe xe sordo pì grande de quelo che no vole scoltare.
No pole èssare jutà chi che no vole èssare consilià.
Dime ludro, dime can, ma no dirme furlan.
Xe mejo 'vere el capelo a busi che le scarpe a tochi.
Co le done e co le merde se barufa a po' se perde.
Botega de canton fà schei ogni cojon.
La prima galina che canta ga fato l'ovo.
La piova de San Bernardin la roba pan, ojo e vin.
A Santa Lucia la note pì longa che ghe sia. (13/12).
El pesse guasta l'aqua, la carne la conza.
Par Santa Fiorenza xe oncora bona la somenza.
Co le beleze no se magna.
Chi che xe al cuerto quando che piove el xe mato s'el se move.
El lume xe na meza conpagnia.
Dele volte na busia salva la verità.
La roba ordenà la vol èssare pagà.
Chi pì xe, manco se vanta.
Quando che te magni la nèspola, pianzi.
On mulin in aqua e uno in casa.
Xe mèjo on mòcolo che 'ndare in leto al scuro.
Co' la carne xe frusta l'ànema deventa justa.
Rossa de pelo, mata par l'osèlo.
Ogni galo senza cresta xe on capon, ogni omo senza barba xe on cojon.
Fin che dura sto regno, scarpe de legno.
Sfogo de pele, salute de buele.
Na man lava l'altra e tute do lava el muso.
Fin che ghe xe pan in convento, frati no manca.