A la vizilia de San Joani piove tuti i ani. (24/6)
El judizio salva l'osso del colo.
No bisogna magnare i ovi prima de verghe cavà la sgussa.
A San Martin el mosto deventa vin.
A San Gioachin el primo freschin. (20/8)
Se i dise male de to fiola, ciama la comare.
Chi che vole justare le braghe co le còtole dela mojère le gavarà senpre rote.
Co' ghe n'è massa le cioche se beca.
Co' no ghe xe pì gànbari, xe bone anca le zate.
Co'l sole tramonta i àseni se ponta.
Canpanon a bonora, la xe na trista sagra.
San Prodocimo e San Daniele marcanti de neve. (7/11)
In t'el mistiero del munaro, tanto se roba co la stadiza che col staro.
San Gregorion el pole portare on robalton. (3/9)
Na mota e na busa fà on gualivo.
Dai Santi tote sierpa e guanti.
La tosse xe 'l tanburo dela morte.
Carestia prevista meza carestia.
Chi vol fare mosto zapa la tera de Agosto.
Quando che'l vin no xe pì mosto, la castagna xe bona a rosto.
Conti de Lendinara e nobili de Ruigo no vale on figo.
A tola e leto no se porta rispeto.
Se te ghe na bruta mojere, va in leto al scuro.
Se na dona xe bela, partorisse na putela.
El gato sol fogolaro xe segno de miseria.
Va' in leto co le galine e lèvate quando che canta el galo.
Al primo de Agosto l'ànara se mote a 'rosto.
Na volta core el lièvore, na volta core el can.
A San Pelegrin, poca paja e poco vin. (5/5)
Morto on papa se ne fà 'nantro.
Prima de jutare on estraneo, pènsaghe do volte; prima de jutare on parente, vinti.
On bon vèndare fà on bon guadagno.
A 'la Salute se veste le bele pute. (21/11)
I fioi vien dal cuore, el marìo dala porta.
El primo de Aprile, miti le zuche che le vien come on barile.
Frua la bareta chi se la cava a tuti.
Coi birbi el galantomo fà senpre la figura del cojon.
A fare a modo soo se scanpa dies'ani de pì.