Quando che l'omo xe stimà el pole pissare in leto e dire che'l ga suà.
El paron xe el ragno, el contadin la mosca.
Del bon tenpo e dela bona zente no se se stufa mai.
Vale depì on gran de pévaro che on stronzo de musso.
Pan e nose xe on magnare da spose.
Vesti na fassina e la pare na regina.
Piova o sole, le strighe va in amore.
Co' parla na bela dona la ga senpre rason.
Xe pì fadiga tasére che parlare.
El segreto dele femene no lo sa nissun, solo mi, vu e tuto el comun.
Mèjo paron de on canpo che fituale de na canpagna.
Co'l sole tramonta i àseni se ponta.
Ai ultimi de Setenbre, i fringuei par la tesa.
Quando se vede la raìna se no piove oncuò piove domatina.
Bisogna fare la spesa secondo l'entrata.
Se Majo rasserena, ogni spiga sarà piena.
Rosso de pelo, zento diavoli par cavejo.
Se no ghe fusse la cola e 'l stuco el marangon sarìa distruto.
Del Pardon (d'Assisi) se trà la zapa in t'on canton.
El vento forte inpiza el fogo o 'l lo stua.
Né re, né disnare no se fà mai spetare.
Aprile tenperà e Majo suto, formento dapartuto.
El bon vin se trova dal paroco.
Chi che xe destinà par la forca se nega.
El pesse guasta l'aqua, la carne la conza.
Fin che dura sto regno, scarpe de legno.
Quel che se vede no xe de fede.
Se Jenaro no fà el giazo, Febraro fà el pajazo.
Febraro inevà fà bela l'istà.
El lume xe na meza conpagnia.
Polenta senza sale, ma on bel viseto sol cavazale.
Nose e done no se sa quale che sia bone.
Le bestie se trata da bestie.
Se piove a Santa Desiderata, casca la ua e resta la grata. (14/6)
Quatro oci vede pì de du.
Dove che ghe xe tose inamorà, xe inutile tegnere le porte sarà.
Chi che xe ben nutrio no crede ala fame.
El primo de Aprile, miti le zuche che le vien come on barile.
A Sant'Erman le arte in man. (8/2)