Dicenbre, davanti el te scalda e de drio el te ofende.
Pèrsego e melon tuto ala so' stajon.
Xe inutile cargare el s'ciopo senza balini.
Dentro de ogni matrimonio se sconde el demonio.
Porco ingrassà no xe mai contento.
De Jenaro ogni galina fa el gnaro.
Se tuti i bechi portasse on lanpion, che gran iluminazion.
Lìssia e pan: dale done staghe lontan.
Fin che na bela xe vardà, na bruta xe maridà.
La strigheta mete le feste in sacheta.
La menestra la xe la biava del'omo.
Sant'Urban pastore de nuvole.
Chi nasse de Lujo no speta comare.
Zuca santa che la canta e baruca che la sia muta.
A poca oja no manca scuse.
Co'l galo canta da galina, la casa va i ruina.
Senza schei no se spende, senza laoro se dipende.
L'onore xe come el vento: el va fora da tuti i busi.
Se uno vole che l'amicizia se mantegna, che na sporta vaga e 'staltra vegna.
No bisogna magnare i ovi prima de verghe cavà la sgussa.
Se Marzo resenta, fromento e polenta.
Né a l'ocio, né a l'ongia no ghe vole gnente che sponcia.
Co' te senti le racolete cantare xe rivà la primavera.
Chi che ga na vacheta ga na botegheta.
Vale depì na candela davanti che on candeloto de drio.
Del too dàmene, ma del mio no stàrmene domandare.
Quando ch'el xe tajà e inbastìo ogni cuco ghe va drio.
L'ovo del luni pagan l'è del diavolo.
In tenpo de peste pì baje che feste.
A Sant'Ubaldo se fa vanti el caldo. (16/5)
Fra i doturi, in medesina, xe pì bravo chi indovina.
Vento de Majo, poco tormento.
Dele volte na busia salva la verità.
Prima se varda el buso, po' se fà el caecio.
Tante nosèle, tanta neve.
Chi dòpara loame no ga mai fame.
Sa volì védare el diluvio universale, metì dodese preti a tola a magnare.
Tuto finisse, via che l'invidia.
Co' la piova e col vento, a pescare e a trare no starghe ndare.