La prima galina che canta ga fato l'ovo.
Santa Madaléna, onguenti e balsami la ne insegna. (22/7)
L'aqua de Giugno ruina el munaro.
Par San Corado vèrzi la porta al caldo.
Novenbre e Dicenbre benedisse Setenbre.
Chi ghe n'a in cuna no diga de nissuna.
A chi che ga denaro forte, quando l'è vecio se augura la morte.
Testa de musso no se pela mai.
El marangon laora senza stajon.
El male riva a cavalo e 'l parte a piè.
Ocio no vede e boca tase par chi che vol vìvare in pase.
Dolore confidà xe guarìo par metà.
Co' ghe n'è massa le cioche se beca.
No ghe xe farina senza sémola, nosèla senza scorza, gran senza paja e omo senza difeti.
Marzo, par quanto tristo che'l sia, el buò al'erba e 'l cavalo al'onbrìa.
Rossa de pelo, mata par l'osèlo.
Carta canta, vilan dorme.
Co' névega sola foja l'è on inverno che fa oja.
Quando se vede la raìna se no piove oncuò piove domatina.
Chi che xe al cuerto quando che piove el xe mato s'el se move.
Se vènta ai tri de Marzo e al dì de San Gregorio, vènta par quaranta dì. (12/3)
San Vidale, marcante de piova. (28/4)
Chi che bastona el so cavalo bastona la so scarsela.
Se i dise male de to fiola, ciama la comare.
Se Sant'Antonio fa el ponte, San Paolo lo ronpe.
Rispeta el can par el so paron.
Vale depì on gran de pévaro che on stronzo de musso.
Se Otobre camina lento te pol èssare contento.
De Sant'Antonio el formento indora.
Col minestro che se minestra se vien minestrà.
Co'l fromento tra a l'anguro, tàjelo che'l xe maduro.
A le prime aque de Agosto la tortora la va via.
I mona se conosse da do robe: dal parlare, quando che i dovaria tasere; dal tasere, quando che i dovaria parlare che i dovaria parlare.
El nome di' zucuni xe scrito sui cantuni.
Tuti ga la so ora de mona.
Se fà spira la man drita, schei da dare; se fà spira la man zanca, schei da tirare.
Sant'Omobon, neve o tenpo bon. (13/11)