Ocio celeste, ocio de dama; ocio moro, ocio da putana.
Se varda on sbaro de erba: se pol vardare anca na persona piena de merda.
A San Nicòlo tira la neve sol colo. (6/12)
A Santa Pologna la tera perde la rogna. (9/2)
Se no piove so l'olivela piove so la brazadela.
A tirarse massa indrio se finisse col culo in rio.
Amore, tosse e panza no se sconde.
La salata la vole el sale da on sapiente, l'aseo da on avaro, l'ojo da on prodigo, smissià da on mato e magnà da on afamà.
Quando Dio vol castigar un omo el ghe mete in testa de maridarse.
A Sant'Isaco, el formento fora dal saco. (19/10)
Né la malatia, né la preson fà deventare l'omo bon.
No ghe xe farina senza sémola, nosèla senza scorza, gran senza paja e omo senza difeti.
Picola al balo, grande a cavalo.
Se piove a San Vito e Modesto, la ua va torla col zesto. (15/6)
Se piove el dì de San Gorgonio, autuno demonio.
Chi fà scarpe porta zavate.
Fioi da slevàre, fero da rosegare.
A Santa Fiorenza xe oncora bona la somenza. (27/10)
Mèjo fare on toso che fare na polenta.
A ogni culo el so cagare.
La fame xe el mejo aperitivo che ghe sia.
Par San Matio le jornade torna indrio.
No ghe xe carne in becaria che presto o tardi no la vaga via.
Quando che'l Signore vuole castigare uno el ghe manda l'ispirazion o de sposarse, o de torse on musso o on'ostaria.
Quando se vede la raìna se no piove oncuò piove domatina.
A San Benedeto la vegna su par el paleto.
L'onbra del canpanile ingrassa e salva.
Maroni e vin novo, scoreze de fogo.
Santa Luzzia el fredo cruzzia. (13/12)
Tenpo e paja fà fare i néspoli.
Sant'Antonin el vien lezièro: ormai semo ale asse sia in stala che in granaro. (10/5)
A San Zen, somenza in sen. (12/4)
Da San Martin a Nadale ogni poareto sta male.
Anca l'ocio vole la so parte.
Da San Giorgio se sòmena l'orzo. (23/4)
A 'la Madona i pitari ne sbandona.