Chi che siòla ga pensieri.
Co' spesso se scalda el forno, poca legna basta.
O magna sta minestra o salta sta finestra.
A pensar mal se fa pecà, ma se indovina senpre.
Chi fà scarpe porta zavate.
Chi che ga la rogna se la grata.
Majo ortolan, tanta paja e poco gran.
A tirarse massa indrio se finisse col culo in rio.
No serve butare el manego drio la manara.
A sete ani i xe putei, a setanta oncora quei.
Par San Domin sòmena el contadin.
Chi desfa bosco e desfa pra se fà dano e no lo sa.
Galina vecia fà bon brodo.
Merlo in te'l camin trema el contadin.
Baso par forza no vale na scorza.
Se piove a Sant'Ana, la xe na mana.
Del too dàmene, ma del mio no stàrmene domandare.
El simile col simile, ma le verze co l'ojo.
A Sant'Andrea el fredo el monta in carega. (30/11)
Quando Mercurio insaca Giove, in setimana piove.
Canpa, cavalo, che l'erba cresse.
No xe colpa dela gata se la parona la xe mata.
Ovo de on'ora, pan de on dì, vin de on ano, dona de quìndese e amigo de trenta.
La neve decenbrina disisète volte la se capina.
Santa Giustina dela sgussetina. (7/10/)
L'aria de Febraro xe come on loamaro.
Del calendario e dela passienza no se pole fare senza.
Xe pì fadiga far la guardia a na fémena che a on saco de polde
El vin de casa no inbriaga.
Marzo, par quanto tristo che'l sia, el buò al'erba e 'l cavalo al'onbrìa.
Erba crua no xe par testa canua.
Dove che comanda le done e ara le vache, se vede robe mal fate.
Pèto picenin, late pegorin.
Quando la merda varà calcossa, i poariti nassarà senza buso del culo.
Pifania, el pì gran fredo che ghe sia.
Sant'Antonio Barbon (Abate) marcante de neve.
Le bestie se trata da bestie.