No spèndare tuto quelo che se ga, no dire tuto quelo che se sa.
Chi che bastona el so cavalo bastona la so scarsela.
I nostri veci ga magnà i canpi e i ne ga assà i proverbi.
Aqua che core no porta odore.
Co'l fromento tra a l'anguro, tàjelo che'l xe maduro.
Tuti quanti semo mati par chel buso ca semo nati.
Fin che l'invidioso se rode, l'invidia se gode.
A San Luca el ton el va in zuca. (18/10)
Xe mèjo on mòcolo che 'ndare in leto al scuro.
A San Roco le nose le va in scroco. (16/8)
El pèrdare xe parente del piànzare.
Pifania, el pì gran fredo che ghe sia.
Ghe xe pì tenpo che vita.
Quando che manca el gran le galine se beca.
San Vincenzo, gran fredura; San Lorenzo, gran calura: l'uno e l'altro poco i dura.
Dona e luna, ora serena ora bruna.
Vàrdate dal culo del mulo, dal dente del can e da chi che tien la corona in man.
A la vizilia de San Joani piove tuti i ani. (24/6)
On bel ciapare fà on bel spèndare.
El sapiente sa poco, l'ignorante el sa massa, ma el mona sa tuto.
Chi ciama Dio no xe contento, chi ciama el diavolo xe disperà, chi dise ahimè xe inamorà.
Agosto conpisse, Setenbre madurisse.
I nostri veci stava zento ani col culo ala piova prima de fare on proverbio.
A Santa Madalena piove apena.
El bon vin, i schei e la bravura poco i dura.
Rìdare e vardare xe parente del cojonare.
Bisogna menare el dente conforme che uno se sente.
Se Giugno sguaza poco vin in taza.
Chi par casa, chi par canpi, on pochi de corni ghe xe par tuti quanti Chi pesca al fondo cata el tòrbio.
La vigilia de San Joani piove tuti i ani.
Assa che la mojère la comanda in casa: solo cussì la te struca e la te basa.
Tanto toca a chi roba come a chi che tien el saco.
Vàrdate da prete, contadin, da comare vizin e da aqua par confin.
Chi inpresta perde el mànego e anca la zesta.
El pan del poareto xe senpre duro.
San Biasio, ultimo barbon marcante de neve. (3/2)
Da on musso no se pole spetarse che peade.
A San Tizian on fredo can. (16/1)
I parenti xe come le scarpe: pì striti i xe, pì male i fà.
Nose e pan, pasto da vilan.