Chi no ghe piase galina col pien, merita pache opure velen.
Dura depì i loamari che i pajari.
Luna setenbrina sete lune se ghe inchina.
Chi pì xe, manco se vanta.
Ghe xe chi che magna le fave e chi che magna le sgusse.
S-ciopo vodo fà paura a du.
Chi pì spende manco spende.
Chi ladra, Dio ghe dona; chi no ladra, pioci e rogna.
Rosso de matina la piova se avizina.
Dicenbre, davanti el te scalda e de drio el te ofende.
El bon vin xe ciaro, amaro e avaro.
Tacà a on ciodo, ma vivo.
Ai du passa la nuvola del Perdon. (2/8)
El bon vin se vende a la soja.
L'aqua de Giugno ruina el munaro.
La roba donà fà male ala panza.
Da la Befana la rapa xe vana.
Mèjo na dona bela senza camisa che na bruta co sete camise.
Xe mejo 'vere el capelo a busi che le scarpe a tochi.
Marzo sventolaro fromento in granaro.
Loame, rivai e cavedagne, benedission dele canpagne.
Dime ludro, dime can, ma no dirme furlan.
Marzo, par quanto tristo che'l sia, el buò al'erba e 'l cavalo al'onbrìa.
A Sant'Agnese el fredo passa le sfese. (21/1)
La piova de San Bernardin la roba pan, ojo e vin.
Chi pì capisse pì patisse.
Quando che'l sole indora, nieve, nieve e nieve oncora.
De drio d'i s-ciopi, d'i cavai davanti e distante dai mati.
Co' piove so la rosà tuto el dì se ghe n'a.
In casa strinzi, in viajo spendi, in malatia spandi.
De San Martin se veste el grande e anca el picenin.
El male riva a cavalo e 'l parte a piè.
Dio manda el fredo secondo i pani.
Se Majo fà fresco va ben la fava e anca el formento.
La roba in mostra xe quela che no se vende.
Pifania, el pì gran fredo che ghe sia.
Santa Luzzia el fredo cruzzia. (13/12)
La speranza xe el pan d'i poariti.
El bon formajo se fà de majo.