El vento forte inpiza el fogo o 'l lo stua.
Se no te scota, no ocore supiarghe su.
L'avaro xe come el porco, che no'l xe bon che dopo morto.
De Febraro ogni gata va in gataro.
Chi che laora magna, chi che no laora magna e beve.
Rosso de matina, o piova o piovesina.
Dopo i ..anta ganbe che trèmola, tete che scanpa.
No se pole avere la bota piena e la mojère inbriaga.
Se i dise male de to fiola, ciama la comare.
Par San Lorenzo la nosa xe fata.
Falo de mèdego, volontà de Dio.
El fero caldo deventa dolze.
Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen. (11/11)
A San Modesto el fredo vien col zesto. (12/1)
El male riva a cavalo e 'l parte a piè.
Chi vol vèndare mete in mostra.
L'onbra d'istà fà male ala panza d'inverno.
El baston el xe on cativo maestro.
O tardi o bonora, l'osto va in malora.
El bisogno insegna a far de tuto.
A voler ben a 'na bela xe pecà, a 'na bruta xe carità.
La note xe fata pa' i alochi.
Conpare de anelo pare del primo putelo.
Del pito el passo, del polo el volo.
Chi te vole ben te fà piànzare, chi te vole male te fà rìdare.
Vale depì na candela davanti che on candeloto de drio.
O dal cao o dala coa l'inverno vol dire la soa.
Ciodo, martelo e segon: i miracoli del marangon.
Chi no se contenta de l'onesto, perde el mànego e anca el zesto.
El pare fà la roba, i fioi la vende.
Sa pì el papa e on contadin che el papa da elo solo.
Ogni Santo vole la so candela.
Pesa justo e vendi caro Pesse grosso magna pesse picolo.
Co zento pensieri no se paga on scheo de debito.
Chi che ronpe de vecio paga de novo.
Quando che piove i mati se move.
A San Roco le nose le va in scroco. (16/8)