Volta i cai dopo na piova.
Finia la festa, finie le candele.
De la Salute meti le maneze ale pute.
Bela in fassa, bruta in piaza.
El pesse ga da noare tre volte: prima intel'aqua, dopo intel'ojo e la terza 'ntel vin.
Anca la cossienza fa el calo Anca na bruta sìmia pole fare on bel salto.
Del calendario e dela passienza no se pole fare senza.
Chi che nasse tacà a on fosso spuza senpre da freschin.
L'ultimo che more de fame xe 'l munaro.
Majo piovoso, vin costoso.
L'avaro farìa de manco de cagare par no butare via gnanca quela.
Se tuti i bechi portasse on lanpion, che gran iluminazion.
No ghe xe matrimonio che no ghe entra el demonio.
Tuti nasse pianzendo, nissun more ridendo.
L'avaro xe come el porco, che no'l xe bon che dopo morto.
No ghe xe rizeta par la paura.
Nadale col mandolato, i Morti co la fava, Pasqua co la fugazza.
Chi sta soto la napa del camin sa da fumo o da agrin.
Par San Paolo el jazo va al diavolo.
Se par Setenbre no te ghe arà, tuto l'ano xe malandà.
Legno de sanbugaro no fa bronza e no fa ciaro.
Frua la bareta chi se la cava a tuti.
Quando che piove el dì de San Gorgon, piove par na stajon. (9/9)
Carità par forza, fiore che spuza.
Col pan se fà balare i can.
Chi pì capisse pì patisse.
El diavolo fà le pignate ma no i querci.
Quando semo a San Simon, ogni straza la vien bon.
Mal de testa vole magnare, mal de panza vole cagare.
Par San Domin sòmena el contadin.
On bon vèndare fà on bon guadagno.
De Febraro ogni gata va in gataro.
Chi va al marcà co pochi schei li spende male.
La roba no xe de chi che la fà, ma de chi che la gode.
Chi desfa bosco e desfa pra se fà dano e no lo sa.
A tusi e mati no se comanda.
Chi che massa se inchina mostra el culo.
A viajare se se descanta, ma chi che parte mona el torna indrio mona.