L'aqua de San Gregorio fà ranpegare la végna.
El Sior de sora ne manda la tenpesta e quelo de soto el magna quel che resta.
El vin amaro tièntelo caro.
A 'sto mondo ghe xe chi che la ghe piase cota e chi che la ghe piase crua.
El bon vin, i schei e la bravura poco i dura.
Giugno, Lujo e Agosto, né dona, né aqua, né mosto.
Na serenada de note dura fin che on can fà le balote.
Chi che massa se inchina mostra el culo.
Da San Martin a Nadale ogni poareto sta male.
Quando se vede la raìna se no piove oncuò piove domatina.
Se fà belo a San Gorgon la vendema va benon.
Candelora, de l'inverno semo fora, ma se piove e tira vento de l'inverno semo drento.
A San Roco le nose le va in scroco. (16/8)
Quando el Venda fa el pan, se no piove oncuò piove doman.
La fémena xe come l'aqua santa: tanto fà poca come tanta.
Zuche e fen int'on mese i vien.
Quando che uno sa fare i capèi el pol farli par qualunque testa.
Co' parla na bela dona la ga senpre rason.
No ghe xe avere che conta depì del savere.
Dai a chel can che'l xe rabioso.
Co' la fame vien drento par la porta, l'amore va fora pa'l balcon.
No xe colpa dela gata se la parona la xe mata.
Chi ga del bon in casa porta ogni straza.
Ogni fémena xe casta se no la ga chi la cazza.
Laòro de sachi laòro da mati.
La tera e i canpi li laora i ignoranti.
Co le beleze no se magna.
Quando la forza co la rason contrasta, vinze la forza e la rason no basta.
Le scarpe de on vilan no le farà mai na bela peca.
Quelo che no strangola ingrassa e quelo che no ingrassa passa.
La prima galina che canta ga fato l'ovo.
Quando che uno sa fare i capèi el pol farli par qualunque testa.
I fasoi xe la carne di' poariti.
Dove che passa la barca pol passare anca el batelo.
El laòro dela sega el slonga i brazi e 'l scurza la tega.
La pigrizia la va tanto pian che la miseria la ciapa.
Novenbre col ton, l'ano xe bon.
S-ciopo vodo fà paura a du.