Rosso de pelo, zento diavoli par cavejo.
Co' i picoli parla i grandi ga parlà.
Va' in leto co le galine e lèvate quando che canta el galo.
No ghe xe avere che conta depì del savere.
La burla no la xe bela se no la xe fata a tenpo.
No tocare can che ròsega e zugadore che perde.
La carità, farla anca al diavolo, la xe senpre ben fata.
No ghe xe polastrina che par le feste de Pasqua no sia galina.
De Sant'Antonio el formento indora.
A vìvare co la testa sol saco xe bon ogni macaco.
Se no te caghi te cagarè, se no te pissi te creparè: Se no te me vidi de San Giusepe patriarca, o che son perso o che son in aqua. (19/3)
A Santa Pologna la tera perde la rogna. (9/2)
In amore nasse corajo se te magni del formajo.
Co' no ghe xe pì gànbari, xe bone anca le zate.
La roba che se buta via coi piè, vien dì che la se rancura co le man.
La pulizia va ben dapartuto, fora che in granaro.
Dove che no ghe xe vin da travasare e farina da far pan staghe lontan.
Pitosto che'l palin, mejo el spazin.
El marangon laora senza stajon.
Quando che la zuca se ingrossa el pecòlo se seca.
I siuri more de fame, i poariti de indigestion, i frati de caldo e i preti de fredo.
Se Marzo buta erba Aprile buta merda.
Co' la oja la xe pronta le ganbe se fà liziere.
Aprile ga el fiore, Majo l'odore.
Chi che magna aloè vive i ani de Noè.
El pan del poareto xe senpre duro.
Che la piasa, che la tasa e che la staga in casa.
A somenare col vento se perde la somenza.
Chi fa la pignata sa fare anca el manego.
L'ultimo abito ch'i ne fà l'è senza scarsèle.
Col minestro che se minestra se vien minestrà.
Dotori e preti no dà mai gnente a nissun.
A San Saturnin la neve sol camin. (28/11)
Santa Barbara benedeta, tien distante el fulmine e la saeta. (4/12)
El bon vin se trova dal paroco.
Prete, dotore e comare, no te ne ingatejare.
Come che xe grossa la candela, i preti alza la ose.