Zuche e fen int'on mese i vien.
Candelora, de l'inverno semo fora, ma se piove e tira vento de l'inverno semo drento.
Piova de San Piero, piova col caldiero.
Dopo i ..anta ganbe che trèmola, tete che scanpa.
Chi piègora se fà el lupo se lo magna.
A San Nicòlo tira la neve sol colo. (6/12)
San Prodocimo e San Daniele marcanti de neve. (7/11)
Gran fredo de Jenaro se incolma el granaro.
Bianco e moro méname a casa.
Articolo quinto: chi che ga i schei ga senpre vinto.
Fin che l'invidioso se rode, l'invidia se gode.
Quando canta le grole ghemo burasca par tri dì.
La rason del poareto no la vale on peto.
El primo ano se ghe vole tanto ben che la se magnaria, el secondo se se ciama grami de no verla magnà.
Chi che xe al cuerto quando che piove el xe mato s'el se move.
Quando che l'Anzolo Michele se bagna le ale piove fin a Nadale.
Bonora al marcà e ala fiera, tardi ala guera.
Ano piovoso, ano de merda.
Chi sta soto la napa del camin sa da fumo o da agrin.
A San Belin el jazo sol caìn. (12/10)
De Sant'Urban la segala conpisse el gran.
Omo lodà, o morto o scanpà.
Vàrdate dal culo del mulo, dal dente del can e da chi che tien la corona in man.
Ghe xe chi che magna le fave e chi che magna le sgusse.
La bona maniera la piase a tuti.
De Jenaro ogni galina fa el gnaro.
Chi che ga da vere ga da dare.
De Santa Giustina tuta la ua xe marzemina.
Chi somena spini no vaga descalzo.
Neve de Jenaro inpina el granaro.
Dio me varda dala rabia dei boni.
Co' se xe mussi ala matina se lo xe anca ala sera.
Ai santi veci no se ghe inpiza candele.
Quelo che no strangola ingrassa e quelo che no ingrassa passa.
Par i orbi no xe mai ciaro.
Chi che ghe fà la barba al musso perde l'aqua e anca el saon.
A Sant'Andrea se veste tuta la fameja.