Laòro de manareto poco e maledeto.
Tanti can mazza on lovo e on solo can baja a la luna.
San Valentin dal fredo fin, l'erba la mete el dentin. (14/2)
Pèto picenin, late pegorin.
Vàrdate dala volpe e dal tasso e da chi che varda in basso.
Bondanza e roganza xe tuta na piatanza.
Chi che ga schei ga senpre rason.
Se Jenaro no fà el giazo, Febraro fà el pajazo.
Se piove da la Madona, la xe oncora bona.
Chi no ga testa ga ganbe.
No bisogna domandarghe a l'osto se'l ga bon vin.
Né zarese, né galete in granaro no se mete.
San Vincenzo, gran fredura; San Lorenzo, gran calura: l'uno e l'altro poco i dura.
Merlo in te'l camin trema el contadin.
El nome di' zucuni xe scrito sui cantuni.
De Sant'Antonio el formento indora.
Neve novenbrina trédese volte la se rafina.
El cafè xe bon sentà, scotà e scrocà.
A dire busie ghe vole bona memoria.
Majo ortolan, tanta paja e poco gran.
No vien Majo se no fiorisse le rose.
Se piove a San Paolo e Piero, piove par on ano intièro. (29/6)
La coa massa longa xe quela che copa la volpe.
Par el seco xe bona anca la tenpesta.
Polenta brustolà la smorza el figà Polenta e late ingrossa le culate.
Carne che cresse no sta mai ferma.
Majo suto, gran dapartuto.
Mèdego vecio e chirurgo zòvane.
De Otobre, on bel oveto xe p' dolze de on confeto.
Quando la merda varà calcossa, i poariti nassarà senza buso del culo.
Tuti nasse pianzendo, nissun more ridendo.
Co' te vidi par strada on bòzolo, no starte fermare: o pesi da portare o bote da ciapare.
Co poco se vive, co gnente se muore.
Ogni paese ga le so usanze, ogni porta ga el so batocio.
Chi vole el can se lo ciapa par la coa.
Luna setenbrina, sete lune la indovina.
L'aqua de San Gaetano la tole l'afano. (7/8)