Quando le nuvole vien dal mare, ciapa i buò e va a arare; quando le nuvole vien dal monte ciapa i buò e va ala corte.
L'amigo del prete perde la relijon, l'amigo del dotore perde la salute, l'amigo del'avocato perde la causa perde la causa.
Porco ingrassà no xe mai contento.
Omo vivo pagarà, omo morto ga pagà.
Ocio celeste, ocio de dama; ocio moro, ocio da putana.
Fogo de paja e troto de vecia dura poco.
A le prime aque de Agosto la tortora la va via.
Se fà spira la man drita, schei da dare; se fà spira la man zanca, schei da tirare.
Chi fà i fati sui no se sporca le man.
I dì dela merla l'inverno te dà na sberla.
Se Majo fà fresco va ben la fava e anca el formento.
Co' se ciapa on vizio se stenta a pèrdarlo.
Da la Befana la rapa xe vana.
La boca e el culo i xe fradei.
Mèjo 'vere du schei de mona che passare par massa svejo.
La fémena xe come on falzin: batarla ogni tanto, guzarla senpre.
Scarpe vecie sparagna le nove.
Bieta e vin juta el segantin.
Chi va al marcà co pochi schei li spende male.
L'aqua de San Joani guarisse tuti i malani.
Chi che ga na bela mojère no la xe tuta soa.
Ogni paese ga le so usanze, ogni porta ga el so batocio.
Chi mistièro no sa botega sara.
Co' toneza de Jenaro chi ga quatro vache se ne magna on paro.
No revoltare la merda, parché la spuza.
Chi ladra, Dio ghe dona; chi no ladra, pioci e rogna.
Da San Martin a Nadale ogni poareto sta male.
I preti fà bòjare la pignata co le fiame del purgatorio.
Aprile sparesin, Majo saresin.
A chi che no ghe piase el vin , che Dio ghe toga anca l'aqua.
Chi che va par i spini i xe quili descalzi.
No ghe xe polastrina che par le feste de Pasqua no sia galina.
Se Otobre camina lento te pol èssare contento.
Chi vole on bel ajàro lo pianta de Jenaro.
Xe mèjo sbrissare co' i piè che co la lengua.
Amore de soldà, oncuò qua, doman là.
Chi tende ala pesca poco tresca.