Chi che pianta de Aprile cava de Majo.
A Santa Caterina se tira zo la scaldina. (25(11)
Xe mèjo on "to" che zento "te darò".
Par amore no se sente rason.
Ciodo, martelo e segon: i miracoli del marangon.
Se piove par San Vio al vin còreghe drio.
Na man lava l'altra e tute do lava el muso.
No revoltare la merda, parché la spuza.
No bisogna inpizzare el fogo fora dala pignata.
Bota che canta la xe voda.
A torghene e no metarghene el mucio cala.
Chi vol vèndare mete in mostra.
Pèrsego e melon tuto ala so' stajon.
Quando che l'omo xe pien de vin el te parla anca in latin.
Morire xe l'ultima capèla che se fà.
Done e afani scurza i ani.
Chi fida nel loto no magna de coto.
Tien on ocio al pesse e 'nantro al gato.
Le zuche vode vien senpre a gala.
Rosso de matina la piova se avizina.
I canpi no vien mai veci.
El vin bon no ga bisogno de frasca.
No ghe xe gnente de pì bon del colo del capon.
Ai can magri ghe va drio le mosche.
A le prime aque de Agosto la tortora la va via.
El diavolo va a cagare senpre sol monte pì grande.
A Santa 'Fema, se scumizia la vendema. (s.Eufemia, 16/9)
Par Santa Fiorenza xe oncora bona la somenza.
Quando piove par la Crose, bon el gran, triste le nose.
Dove che va l'ago va anca el filo.
In casa de ladri no se roba.
El bon vin se trova dal paroco.
De chi no se fida no ghe xe da fidarse.
I fioi no porta carestia.
Chi dà ai pòvari inpresta a Dio.
Par Santa Pologna la tera la perde la rogna.
L'aqua ronpe dove che no se crede.
Dai cupi in su nissun sa gnente.
Se mi dormo, dormo a mi; sa laoro no sò a chi.