A Sant'Agnese el fredo passa le sfese. (21/1)
Quando che uno sa fare i capèi el pol farli par qualunque testa.
Mèjo piànzarli morti inocenti che vivi delinquenti.
Par scòndare i difeti basta frequentare conpagnie dela stessa cagà.
Confessori e bròcoli i xe boni fin a Pasqua.
El pan del poareto xe senpre duro.
Se l'invidia fusse rogna, quanti che se gratarìa.
Mati chi mete e mati chi no mete.
Se no te scota, no ocore supiarghe su.
La tera xe mare e maregna.
Dona de mondo no ga mai fondo.
La fémena xe come l'aqua santa: tanto fà poca come tanta.
L'amore vecio no fà mai la mufa.
Na joza de miele conza on mare de fiele.
La fémena xe come on falzin: batarla ogni tanto, guzarla senpre.
Le tose lo desidera, le maridà lo prova, le vedove lo ricorda.
El malà no magna gnente e 'l magna tuto.
Fongo de Majo, spighe de Agosto.
El tenpo, el culo e i siuri i fà quelo ch'i vole luri.
El butare via xe parente del piànzare.
Co' casca l'àlbaro tuti fà legna.
Vesti na fassina e la pare na regina.
De Sant'Urban la segala conpisse el gran.
Chi che ga on mistièro in man da par tuto trova pan.
Mèdego vecio e chirurgo zòvane.
Volta i cai dopo na piova.
De Novenbre, quando tona xe segnal de anata bona.
Co poco se vive, co gnente se muore.
El diavolo fà le pignate ma no i querci.
I preti fà bòjare la pignata co le fiame del purgatorio.
Fogo de paja e troto de vecia dura poco.
Ghe xe pì dì che luganega.
O basa sto cristo o salta sto fosso.
Anca i cojuni magna el pan.
Febraro inevà fà bela l'istà.
Bon fogo e bon vin scalda el camin.
A San Francesco i tordi i va de furia. (4/10)
Se tuti i bechi portasse on lanpion, che gran iluminazion.