Loame de porco no loama né canpo, né orto.
I fioi no porta carestia.
Co' xe soleselo ghe n'emo on brazelo.
Ala sera tuti buò, ala matina tute vache.
On stizo solo no fà banpa.
El butare via xe parente del piànzare.
Dove che no ghe xe vin da travasare e farina da far pan staghe lontan.
Ocio no vede e boca tase par chi che vol vìvare in pase.
No ghe xe straza che no la vegna bona.
A San Belin el jazo sol caìn. (12/10)
Rispeta el can par el so paron.
No ghe xe on sabo santo al mondo che la luna no gabia fato el tondo.
Facile xe piantare ciodi, ma dificile xe s-ciodarli.
A San Bernardin fiorisse el lin. (20/5)
El fumo ghe va drio ai bei, i bruti el li sòfega.
Dona de mondo no ga mai fondo.
I òmani ala guera e le vache in montagna no se garantisse.
I du Santi del giazo: San Luigino e San Paolino i porta l'Inverno de Giugno.
Co' nasse na femena, nasse na serva; co' nasse on omo, nasse on paron.
Laòro de manareto poco e maledeto.
Quando canbia on prete, tra fare e desfare l'è tuto on laorare.
Va' in leto co le galine e lèvate quando che canta el galo.
Chi magna salata fà la vita beata.
On ocio ala gata e staltro ala paèla.
Quando che piove col sole le strighe fà l'amore.
La roba bona no la xe mai cara.
El pesse ga da noare tre volte: prima intel'aqua, dopo intel'ojo e la terza 'ntel vin.
Laòro de sachi laòro da mati.
I nostri veci ga magnà i capuni e i ne ga assà i proverbi.
Senza ojo el lume se stua.
Le parole del moleta no le vale on'eta.
La burla no la xe bela se no la xe fata a tenpo.
De San Michele la piova la bagna la pele.
A Santa Pologna la tera perde la rogna. (9/2)
Xe mèjo cavarse on ocio che magnare el vermo del fenocio.
El riso nasse da l'aqua e 'l ga da morire sol vin.
Confessori e bròcoli i xe boni fin a Pasqua.
Mèjo on ovo oncuò che na galina doman.
Co' ruza el ton, da calche parte piove.
La roba ordenà la vol èssare pagà.