Mèdego vecio e chirurgo zòvane.
Tre fémene? Una viva, una morta, una inpiturìa de drio la porta.
A l'amo se ciapa el pesse, i òmani a l'intaresse.
El segreto dele femene no lo sa nissun, solo mi, vu e tuto el comun.
Co' se ciapa on vizio se stenta a pèrdarlo.
Roba robà no fà conpanàdego.
El loame de cavalo el fruta on ano e no sò qualo.
Se piove sole Palme no piove sui ovi.
Done, cani e bacalà no i xe boni se no i xe pestà.
Mati chi mete e mati chi no mete.
A San Roco le nose le va in scroco. (16/8)
Vardarse da quei che parla coi oci bassi e da quei che ride senpre.
Tanto xe marcante quelo che guadagna che quelo che perde.
La pulizia va ben dapartuto, fora che in granaro.
Quatro oci vede pì de du.
Le bestie se trata da bestie.
Legna de fasso presto te vedo e presto te lasso.
El bon figo ga da vere camisa da pitoco, colo da picà e culo da pescadore.
A San Matìo el bel tenpo xe finio. (21/9)
Chi va in leto senza zena tuta la note se remena.
I bauchi casca senpre par tera.
Chi vol fare mosto zapa la tera de Agosto.
La roba che se buta via coi piè, vien dì che la se rancura co le man.
Se piove ai quaranta Santi, aqua par altretanti.
Bieta e vin juta el segantin.
Sola vita de on omo che'l sia on omo ghe xe senpre almanco na ostaria.
Pensare e vìvare mèjo chel poco che se vive.
A l'ostaria no vago, ma co ghe so' ghe stago.
Neve novenbrina trédese volte la se rafina.
Le zuche nate fra le do madone le xe le pì bone.
El poco basta, el massa guasta.
La piovesina ingana el vilan: par che no piova e la spassa el gaban.
No ghe xe pignata che covercio no la cata.
A magnare on spigo de ajo, se spuza come a magnarghene na resta.
Soto la neve, pan; soto l'aqua, paltan.
A San Baldoin se fa el vin.
Chi vole el can se lo ciapa par la coa.
El fruto no'l casca mai lontan da l'àlbaro.
Amore senza barufa fà la mufa.
Dopo la crose na pèrtega par le nose.