Botega de canton fà schei ogni cojon.
L'amore del vecio sa da scaldaleto.
La boca e el culo i xe fradei.
O basa sto cristo o salta sto fosso.
Fin che'l mèdego pensa el malà muore.
Starna setenbrina, una la sera e una la matina.
Tute le scarpe no va ben 'ntel stesso piè Tuti ga el so toco de invidia.
No se dise vaca mora se no ghe n'è on pelo.
Pifania, el pì gran fredo che ghe sia.
Se no te caghi te cagarè, se no te pissi te creparè: Se no te me vidi de San Giusepe patriarca, o che son perso o che son in aqua. (19/3)
Co' te senti le racolete cantare xe rivà la primavera.
Se vento no tra, fredo no fà.
Chi piègora se fà el lupo se lo magna.
La morte xe senpre pronta, come le tole dei osti.
Ocio no vede e boca tase par chi che vol vìvare in pase.
Par San Gioachin, l'ortolan nel camarin.
A Santa 'Fema, se scumizia la vendema. (s.Eufemia, 16/9)
Chi che zerca cavalo e fémena senza difeto, no'l gavarà mai cavalo in stala e fémena in leto.
Mèjo on àseno vivo che on dotore morto.
Co' bala l'ocio drito, cuor contrito; co' bala l'ocio zanco, cuore infranto.
Ghe xe pì dì che luganega.
Mèjo 'vere du schei de mona che passare par massa svejo.
A Santa Toscana el riso el va in cana. (14/7)
A somenare col vento se perde la somenza.
Chi che ga on mistièro in man da par tuto trova pan.
Chi leze el cartelo no magna vedèlo.
Giugno, Lujo e Agosto, né dona, né aqua, né mosto.
Co' capita on bon bocon, mona chi che no ghe ne aprofita.
Quando che no se pole ciapare el pesse se ciapa le rane.
Quando la mojère se mete le braghesse, al marìo no ghe resta che le còtole.
El tenpo no ghe fà torto a nissuni.
Sa volì védare el diluvio universale, metì dodese preti a tola a magnare.
O dal cao o dala coa l'inverno vol dire la soa.
La coa massa longa xe quela che copa la volpe.
No ghe xe carne in becaria che presto o tardi no la vaga via.
Par i Santi, neve sui canpi; par i Morti, neve sui orti.
Quando ch'el xe tajà e inbastìo ogni cuco ghe va drio.
Né panza, né rogna, né tosse se sconde.