Vale depì uno a fare che zento a comandare.
Co la panza piena se rajona mèjo.
Toso tanto studiso, toso poco amoroso.
Co' i ga voltà el messale la messa pì no vale.
Sbaglia anca el prete a dir messa.
Pan che canta, vin che salta e formajo che pianza.
Tre cosse ghe vol par farse siori: o robar, o trovar, o ereditar.
A San Pelegrin, poca paja e poco vin. (5/5)
Par Santa Taresa prepara la tesa.
Basta na fontana a far dano a on'ostaria.
Spendi la moneda par quelo che la vale.
A Sant'Antonio (Abate) on passo de demonio. (17/1).
Vàrdate da prete, contadin, da comare vizin e da aqua par confin.
Suòre de stradin e grasso de mussolin guarisse tuti i mali.
Vedendo uno te lo conossi mezo, co' 'l parla te lo conossi tuto.
L'aria de San Matìa (24/2) dura fin a San Giorgio, e l'aria de San Giorgio dura fin a S.Urban.
Dove che ghe xe canpagne ghe xe putane.
Amore, tosse e panza no se sconde.
No revoltare la merda, parché la spuza.
Carestia prevista meza carestia.
Co' parla na bela dona la ga senpre rason.
Bacalà a 'la visentina, bon se sera e de matina.
Buta via la roba tri dì dopo che la spuza.
Chi che ga on mistièro in man da par tuto trova pan.
La pigrizia la va tanto pian che la miseria la ciapa.
Tripe de merda parché l'osto no ghe perda.
Tuto se justa, fora che l'osso del colo.
Co'l funerale xe finio i parenti se core drio.
La neve decenbrina disisète volte la se capina.
A San Zen, somenza in sen. (12/4)
Chi magna salata fà la vita beata.
Pèrsego e melon tuto ala so' stajon.
Aprile tenperà e Majo suto, formento dapartuto.
El musso, co'l ga magnà el volta el culo ala grupia.
L'aqua de Majo ingrassa el formento.
Chi vole el can se lo ciapa par la coa.
La fame xe el mejo aperitivo che ghe sia.
I fioi vien dal cuore, el marìo dala porta.
Tore el ben quando el vien.