El bon vin xe ciaro, amaro e avaro.
Rosso de matina la piova se avizina.
Par i Santi, neve sui canpi; par i Morti, neve sui orti.
Chi che ga le zuche no ga i porzei.
Fin che ghe xe pan in convento, frati no manca.
Al son de la canpana (schei) ogni dona se fa putana.
Quando Mercurio insaca Giove, in setimana piove.
Roa roa, tuti a casa soa.
Tacà a on ciodo, ma vivo.
La piova del'Assension fà bela la stajon.
L'aria de Febraro xe come on loamaro.
Chi va de note ga dele bote.
Mèjo piànzarli morti inocenti che vivi delinquenti.
Chi prima va al mulin prima màsena.
Fin che dura i bezi, amighi no manca.
Cafè de colo, ciocolata de culo.
Tra arte e busia se vende la marcanzia.
La fémena xe come on falzin: batarla ogni tanto, guzarla senpre.
Ocio celeste, ocio de dama; ocio moro, ocio da putana.
Par savere la verità bisogna sentire du busiari.
No bisogna magnare i ovi prima de verghe cavà la sgussa.
I schei fà balare i sorzi.
Schei de zogo sta on ora par logo.
Porco ingrassà no xe mai contento.
Chi ara fondo guadagna on mondo.
L'omo maridà porta quatro "p": pene, pensieri, pentiminti e pecati.
A San Benedeto la vegna su par el paleto.
El Sior de sora ne manda la tenpesta e quelo de soto el magna quel che resta.
Co' la oja la xe pronta le ganbe se fà liziere.
Majo fresco e ventoso fà l'ano copioso.
Quando che'l sole se volta indrio, xe belo anca el dì drio.
Fin a Nadale fredo no fà: braghe da istà; dopo Nadale el fredo xe passà, braghe da istà.
Dime ludro, dime can, ma no dirme furlan.
Chi va a Roma e porta on borsoto, deventa abate o vescovo de boto.
Co le done e co le merde se barufa a po' se perde.
A San Martin se spina el bon vin.
Dove che ghe vole fati, no basta le parole.
A far la carità no se va in miseria.
Tèndare le tose e bàtare le nose xe tenpo perso.