A San Matìo el bel tenpo xe finio. (21/9)
Jenaro e Febraro i xe du misi che va a paro.
Chi dise sposa dise spesa.
A San Benedeto la vegna su par el paleto.
Nadale col mandolato, i Morti co la fava, Pasqua co la fugazza.
No vien Majo se no fiorisse le rose.
La piova de primavera ghe ronpe la rogna ala tera.
Quando che l'omo xe stimà el pole pissare in leto e dire che'l ga suà.
On stizo solo no fà banpa.
La boca no xe straca se prima no la sa de vaca.
Par scòndare i difeti basta frequentare conpagnie dela stessa cagà.
Co' manca el méjo i osei se beca.
Oci e lengua xe le spie de tante malatie.
De San Valentin fiorisse el spin.
Pitosto che le tarme la magna, xe mejo che i osei la bècola.
Pan, sopressa e conpagnia su 'nte'l bosco fà alegria.
Chi ghe n'a in cuna no diga de nissuna.
No se fà on capelo par na sola piova.
Chi che ga santoli ga buzolà.
El leto xe el paradiso d'i poariti.
Done e afani scurza i ani.
Quando che la merda monta in scagno, o che la spuza o che la fà dano.
Chi va pian va lontan, chi va forte va ala morte.
Pan padovan, vini visentini, tripe trevisane e done veneziane.
El bon vin se vende a la soja.
A Sant'Urban el formento el fa el gran.
El paron xe el ragno, el contadin la mosca.
No bisogna inpizzare el fogo fora dala pignata.
Pan che canta, vin che salta e formajo che pianza.
Se Marzo no incodega, a Majo no se sega.
A l'osèlo ingordo ghe crepa el gosso.
El bon vin se trova dal paroco.
Caval, putana e persegar trent'ani no i pol durar.
Amore fa amore, cativeria fa cativeria Amore, merda e zéndare le xe tre robe tèndare.
Majo fresco, paja e formento.
Osèlo de s-ciapo no xe mai grasso.
Chi ga del bon in casa porta ogni straza.