A robare poco se va in galera, a robare tanto se fa cariera.
Co' ruza el ton, da calche parte piove.
Ogni osèlo no conosse el bon gran.
Tera negra fà bon fruto, tera bianca guasta tuto.
Fin dai Santi sòmena i canpi.
Né a l'ocio, né a l'ongia no ghe vole gnente che sponcia.
I Santi novi scalza i veci.
Se fà fredo a San Luigino, farà caldo a San Paolino. (21/6-22/6)
El bon formajo se fà de majo.
Formajo, pan bianco e vin puro fà el polso duro.
Pasqua vegna quando se voia, la vien co la frasca e co la foia.
L'union dela fameja sta int'el casson dela farina.
Beato l'Istà co tuti i pulzi e i zìmesi che'l ga.
Chi che ga le zuche no ga i porzei.
La salata la vole el sale da on sapiente, l'aseo da on avaro, l'ojo da on prodigo, smissià da on mato e magnà da on afamà.
Carne de vaca e legno de figaro par far bela ziera al'amigo caro.
Parere e èssare xe come filare e no tèssare.
La prima fachina, la seconda regina.
Fà la corte ale vecie se te vo' piasérghe ale zòvane.
A chi che ga denaro forte, quando l'è vecio se augura la morte.
No ghe xe rizeta par la paura.
Quel che Lujo no vole, Setenbre no pole.
Mai fare male par spetarse ben.
Dai Santi tote sierpa e guanti.
Se vènta ai tri de Marzo e al dì de San Gregorio, vènta par quaranta dì. (12/3)
Senza schei no se spende, senza laoro se dipende.
El marzaro, prima el fà i schei e dopo la cossienza.
San Prodocimo e San Daniele marcanti de neve. (7/11)
Starna setenbrina, una la sera e una la matina.
Tuti i ossi torna al so logo.
A l'Ave Maria ogni òpara xe conpia.
El prezo no lo fà l'aventore.
No se spua sol piato che se magna.
L'onore xe come el vento: el va fora da tuti i busi.
Chi che ga la rogna se la grata.
Neve de Jenaro inpina el granaro.
Par quanto bone che le sia le madone sta ben sui quadri.
Al ciaro de luse ogni stronzo traluse.