Baso par forza no vale na scorza.
Odio de preti, vendeta de frati e rogna de ebrei, miserere mei.
Chi vol magnare on bon bocon, magna l'oca col scoton.
Da San Martin a Nadale ogni poareto sta male.
Chi che fa el conto prima de l'osto el lo fa do volte.
Dele volte na busia salva la verità.
San Biasio, el fredo va adasio.
Uno roba la polpa e 'staltro ciapa la colpa.
La roba che se buta via coi piè, vien dì che la se rancura co le man.
Quando che'l Signore vuole castigare uno el ghe manda l'ispirazion o de sposarse, o de torse on musso o on'ostaria.
Quando a Novenbre el vin no xe pì mosto, la pitona xe pronta par el 'rosto.
On alto e on basso fà on gualivo.
Che Dio el ne varda dal seco tra le do Madone.
Quando che se sente el ton da calche parte piove.
Dove che manca i cavai anca i mussi trota.
L'amore xe potente, ma l'oro onipotente.
La spia xe pezo del ladro.
Sfogo de pele, salute de buele.
Tèndare le tose e bàtare le nose xe tenpo perso.
Chi fida nel loto no magna de coto.
Boca sarà no ciapa moschini.
Co'l sorze scanpa, la gata va al paese.
Chi tuto rancura de gnente ga bisogno.
Le bestie se trata da bestie.
El musso, co'l ga magnà el volta el culo ala grupia.
No ghe xe pignata che covercio no la cata.
Mèjo du vivi (fioi) che uno morto.
Bianco e moro méname a casa.
I Santi de casa no fà miracoli.
Chi va pian va lontan, chi va forte va ala morte.
Tuti i ossi torna al so logo.
Quando che la zuca se ingrossa el pecòlo se seca.
A fare a modo soo se scanpa dies'ani de pì.
Par on frate scontento no se sara el convento.
La caena no ga paura del fumo.
A San Gorgon xe finio el tenpo bon.
A Messa, tuti no pole stare tacà al prete.
Dove che no ghe xe vin da travasare e farina da far pan staghe lontan.