A la vizilia de San Joani piove tuti i ani. (24/6)
A Santa Lucia la note pì longa che ghe sia. (13/12).
Se Sant'Antonio fa el ponte, San Paolo lo ronpe.
Se par Setenbre no te ghe arà, tuto l'ano xe malandà.
Zena longa, vita curta; zena curta, vita longa.
Co l'Adolorata se va verso l'invernata.
Da San Matio ogni fruto xe bonio.
Cavalo in prìstio no xe mai straco e no ga mai fame.
Par San Lorenzo la nosa xe fata.
La bota la dà el vin che la ga.
Par l'Anunziata el rossignolo so la saca.
A Santa Toscana el riso el va in cana. (14/7)
Ano bisesto, ano senza sesto.
Se no piove so l'olivela piove so la brazadela.
Pensare e vìvare mèjo chel poco che se vive.
De Santa Giustina tuta la ua xe marzemina.
El rosso xe par l'avocato, la ciara par le spese e la sgussa par chi che vinze.
Piova d'Istà, beati che che la ga.
Chi che pianta de Aprile cava de Majo.
La fame xe el mejo aperitivo che ghe sia.
Bisogna avere oci anca sol culo.
Fra i doturi, in medesina, xe pì bravo chi indovina.
De Giugno miti la messora in pugno.
Ramo curto vendema longa.
Garbin no xe tragante né pescantin.
San Gregorion el pole portare on robalton. (3/9)
Viso belo pare bon co qualunque capelo.
Agosto madura, Setenbre vendema.
Par San Fredian la neve la va al monte e al pian.
Chi che zerca cavalo e fémena senza difeto, no'l gavarà mai cavalo in stala e fémena in leto.
Scarpe vecie sparagna le nove.
No ghe xe straza che no la vegna bona.
El pesse guasta l'aqua, la carne la conza.
Magna, bivi e godi, ma no inpiantare ciodi.
Chi da galina nasse, da galina ruspa.
Fin che dura i bezi, amighi no manca.
Ghe vole sete fémene par fare on testimonio.
Ocio no vede, cuore no sente.
Ogni galo senza cresta xe on capon, ogni omo senza barba xe on cojon.