Sant'Antonin el vien lezièro: ormai semo ale asse sia in stala che in granaro. (10/5)
El moleta fà girare la rua, el cortelo intanto se frua.
Quando che piove el dì de San Gorgon, piove par na stajon. (9/9)
Quando che tuti te dise inbriago, va in leto.
Chi no xe bon de rònpare el pan no xe bon de guadagnàrsene.
Chi va in leto senza zena tuta la note se remena.
La beleza la va e la vien: la xe la bontà che se mantien.
Co' nasse na femena, nasse na serva; co' nasse on omo, nasse on paron.
Trista chela bestia che no para via le mosche co' la so coa.
Sbaglia anca el prete a dir messa.
Tute le scarpe no va ben 'ntel stesso piè Tuti ga el so toco de invidia.
Zuche e fen int'on mese i vien.
Par ben lustrare ghe vole ojo de gunbio.
Chi vole 'ndare massa in suso, casca par tera e se ronpe el muso.
Co' toneza de Jenaro chi ga quatro vache se ne magna on paro.
Dona de mondo no ga mai fondo.
Fin che ghe xe fià ghe xe speranza.
Cavalo vecio e servo cojon no inbroja el paron.
Faustin, poco pan e tanto vin.
I schei porta l'oca al paron.
Avere debiti e no pagarli xe come no averghene.
Se piove ai primi de Majo, nose e fighi fà bon viajo.
Na bona aqua de Febraro vale pì de on loamaro.
El can de du paruni more de fame.
Dai a chel can che'l xe rabioso.
Chi che ghe n'a ghe ne spende.
Chi vol fare el stronzo massa grosso ghe vien le làgreme ai oci.
I morti verze i oci ai vivi.
Chi nasse mato no guarisse mai.
Al cao de là fa la pitona.
Prete, dotore e comare, no te ne ingatejare.
Chi fida nel loto no magna de coto.
Par Santa Taresa prepara la tesa.
L'amore vecio no fà mai la mufa.
On bel védare fà on bel crédare.
La tera e i canpi li laora i ignoranti.