A Santa Fiorenza xe oncora bona la somenza. (27/10)
Majo fresco, paja e formento.
A San Pelegrin, poca paja e poco vin. (5/5)
Vesti na fassina e la pare na regina.
L'ultimo ovo xe quelo che scoraja el musso.
Se fà spira la man drita, schei da dare; se fà spira la man zanca, schei da tirare.
A San Martin se spina el bon vin.
Ala sera tuti buò, ala matina tute vache.
Co'l galo canta da galina, la casa va i ruina.
Co' canta le zigàle de Setenbre no conprare gran.
A chi nasse scarognà ghe piove sol culo stando sentà.
Le novità le piase a chi che no ga gnente da pèrdare.
La roba no xe de chi che la fà, ma de chi che la gode.
Na man lava l'altra e tute do lava el muso.
Se te ghe na bruta mojere, va in leto al scuro.
A torghene e no metarghene el mucio cala.
Al dì d'i morti la neve xe ale porte. (2/11)
El bon figo ga da vere camisa da pitoco, colo da picà e culo da pescadore.
Chi fà pì dela mama, ingana.
Maroni e vin novo, scoreze de fogo.
A San Simon le lòdole a valon. (28/10)
Co' i nasse i xe tuti bei, co' i se marida i xe tuti siuri, co' i more i xe tuti boni.
Se Nadale vien senza luna, chi ga do vache se ne magna una.
Sa volì védare el diluvio universale, metì dodese preti a tola a magnare.
Chi che no ga fame, o l'è malà o'l ga magnà.
Nose e done no se sa quale che sia bone.
El male riva a cavalo e 'l parte a piè.
Quando che'l sorgo rosso el mostra el muso, xe ora de tore la roca e el fuso.
Odio de preti, vendeta de frati e rogna de ebrei, miserere mei.
I canpi no vien mai veci.
Pan, sopressa e conpagnia su 'nte'l bosco fà alegria.
Aria setenbrina, fresca la sera fresca la matina.
De Otobre, on bel oveto xe p' dolze de on confeto.
De San Michele se calza le brute e anca le bele. (29/9/)
Se Jenaro no fà el giazo, Febraro fà el pajazo.
Co' piove so la rosà tuto el dì se ghe n'a.
A l'Imacolata se scumizia l'invernata.
Chi che varda i fati di' altri i sui ghe va da malo.
No ghe xe carne in becaria che presto o tardi no la vaga via.