Fin che'l mèdego pensa el malà muore.
O magna sta minestra o salta sta finestra.
El pan del poareto xe senpre duro.
A barca rota no ghe serve sèssola.
Novenbre, co San Martin ano novo par el contadin.
Marzo sventolon, more la piègora e anca el molton.
L'aqua de Giugno ruina el munaro.
A 'la prima Madona le se smorza, a 'la seconda le se inpiza. (15/8 - 8/9)
El primo de Aprile, miti le zuche che le vien come on barile.
Zuche e fen int'on mese i vien.
Ai Morti e ai Santi i corvi sbandona i monti e i vien a pascolare ai canpi.
Pan padovan, vini visentini, tripe trevisane e done veneziane.
Xe mèjo polenta in casa soa che rosto in casa di' altri.
Co' capita on bon bocon, mona chi che no ghe ne aprofita.
Chi no se inzegna fa la tegna.
El mondo, mezo el xe vendù e mezo el xe da vèndare.
Chi pì spende manco spende.
El pan del mona xe el primo magnà.
L'onbra d'istà fà male ala panza d'inverno.
Piova de Jenaro, erba de Febraro.
I Santi novi scalza i veci.
Se piove de San Duane, fen e paja deventa loame.
Al ciaro de luse ogni stronzo traluse.
A 'la Madona le quaie ne sbandona.
Majo fresco, fava e formento.
I siuri more de fame, i poariti de indigestion, i frati de caldo e i preti de fredo.
San Piero benedisse la tenpesta.
Co' i picoli parla i grandi ga parlà.
San Vincenzo, gran fredura; San Lorenzo, gran calura: l'uno e l'altro poco i dura.
Dime ludro, dime can, ma no dirme furlan.
Le femene co' le se confessa le dise senpre quelo che no le ga fato.
Par quanto bone che le sia le madone sta ben sui quadri.
Par l'Anunziata el rossignolo so la saca.
Bon fogo e bon vin scalda el camin.
Bon marcà sbrega la borsa.
Chi xe svejo a'la luna, dorme al sole.
On bon vèndare fà on bon guadagno.