Quando ch'el xe tajà e inbastìo ogni cuco ghe va drio.
Piova d'Istà, beati che che la ga.
Senza spie no ce ciapa ladri.
A far la carità no se va in miseria.
Fevraro curto, erba da par tuto.
Amore fa amore, cativeria fa cativeria Amore, merda e zéndare le xe tre robe tèndare.
On palo in piè, na stropa domà e na fémena colgà i porta quanto peso che te voi.
A sete ani i xe putei, a setanta oncora quei.
El paron xe el ragno, el contadin la mosca.
El vin de casa no inbriaga.
Cusina che fuma, dona cativa e coverta rota manda l'omo in malora de troto.
Tanto toca a chi roba come a chi che tien el saco.
A San Bassan on fredo da can. (19/1)
Chi va via perde la partia.
Quando che l'omo xe stimà el pole pissare in leto e dire che'l ga suà.
Quando el merlo canta d'amore Febraro finisse.
Bon fogo e bon vin scalda el camin.
I òmani ga i ani ch'i se sente, le done quei che le mostra.
Par gnente l'orbo no canta.
El mondo xe grande: basta voler caminare.
A Setenbre, braghe de tela e moloni no i xe pì boni.
Mèjo fare on toso che fare na polenta.
Chi vol fare mosto zapa la tera de Agosto.
Vale depì on no co creanza che on sì vilan.
Nose e pan, magnare da can.
Na pena ala volta se pela l'oca.
Suta de Agosto, tonpesta de Majo.
Chi che se marida vecio sona de corno.
De nose on saco, ma no pì de na fémena par casa.
A l'osèlo ingordo ghe crepa el gosso.
Sbaglia anca el prete a dir messa.
Co'l mulin xe senza aqua me toca bévare aqua; co' l'aqua fà 'ndare el mulin bevo del bon vin.
Rosso de sera bel tenpo se spera.
No te far capo dela conpagnia, parché te si po' quelo che paga a l'ostaria.
Merlo in te'l camin trema el contadin.
A ogni uno ghe piase la so spuzeta.
La burla no la xe bela se no la xe fata a tenpo.
Bondanza e roganza xe tuta na piatanza.
El baston el xe on cativo maestro.
La prima galina che canta ga fato l'ovo.