Bisogna avere oci anca sol culo.
Tronba de culo, sanità de corpo.
Garbin no xe tragante né pescantin.
La fortuna la ghe va drio ai orbi.
L'ospite xe come el pesse: dopo tri dì el taca a spuzare.
Pitosto che le tarme la magna, xe mejo che i osei la bècola.
Quando che piove i mati se move.
Chi va pian va lontan, chi va forte va ala morte.
A San Simon se cava la rava e 'l ravanon. (28/10)
Chi leze el cartelo no magna vedèlo.
Quando che uno sa fare i capèi el pol farli par qualunque testa.
A San Baldoin se fa el vin.
La bona mojère fà el bon marìo.
Sa pì el papa e on contadin che el papa da elo solo.
El poco basta, el massa guasta.
Corpo pien ànema consolà.
Tre fémene? Una viva, una morta, una inpiturìa de drio la porta.
Chi sta soto la napa del camin sa da fumo o da agrin.
San Colonban el riva co la neve in man. (21/11)
Chi sparte e no se ne tien, el Signore no ghe vole gnanca ben.
Quando se travasa se beve.
L'ocasion fà l'omo ladro.
Co' la oja la xe pronta le ganbe se fà liziere.
Na serenada de note dura fin che on can fà le balote.
Assa che la mojère la comanda in casa: solo cussì la te struca e la te basa.
Co' parla na bela dona la ga senpre rason.
Facile xe piantare ciodi, ma dificile xe s-ciodarli.
Se te voi catare on fiore no sta témare el spin.
De la Candelora el dì cresse oncora.
Luna in piè, marinaro sentà; luna sentà, marinaro in piè.
Sa volì védare el diluvio universale, metì dodese preti a tola a magnare.
El mondo, mezo el xe vendù e mezo el xe da vèndare.
Anca i cojuni magna el pan.
Dio li fà e po' li conpagna.
Quando che la barca va ogni cojon la para.
Rosso de sera bel tenpo se spera.
Sant'Agostin, taca le màneghe al bustin.
A parlare se fa presto: pì difìzile xe el resto.