Chi vole el pomo sbassa la rama, chi vole la tosa careza la mama.
Par San Lorenzo la nosa xe fata.
La roba donà fà male ala panza.
A San Tizian on fredo can. (16/1)
Se te voi catare on fiore no sta témare el spin.
Chi da galina nasse, da galina ruspa.
La dona xe come la castagna: bela de fora, dentro la magagna.
Quel che Lujo no vole, Setenbre no pole.
Se uno vole che l'amicizia se mantegna, che na sporta vaga e 'staltra vegna.
Pitosto che spàndarghene on jozo xe mejo bévarghene on pozo.
Chi pì spende manco spende.
Scarpe vecie sparagna le nove.
Dolore confidà xe guarìo par metà.
Nadale col mandolato, i Morti co la fava, Pasqua co la fugazza.
Carnevale e Quarésema, par el pitoco xe la medesema.
Le canpane de San Martin vèrze le porte al vin.
Le disgrazie ga le ale, la fortuna i piè de pionbo.
Chi che bastona el so cavalo bastona la so scarsela.
Fin che dura i bezi, amighi no manca.
Quando che se sente el ton da calche parte piove.
Fredo e fame fà on bruto pelame.
Sbaglia anca el prete a dir messa.
Quando che manca el gran le galine se beca.
El pesse spuza dala testa.
Ogni vin fà alegria se'l se beve in conpagnia.
Tre volte bon fà mona Tri ani dura on sieve , tri sieve dura on can, tri can dura on cavalo.
Dopo i confeti se vede i difeti.
Co'l galo canta so la zena, se no xe belo se serena.
No se pole caminare sola neve senza assare peche.
L'aqua de San Giacomo la fà miracoli.
Nebia bassa bel tenpo la lassa.
Fin che i barufanti tira la vaca, uno pa' i corni e staltro par la coa, l'avocato monze.
Chi va via perde la partia.
Laòro de manareto poco e maledeto.
Ano bisesto, ano senza sesto.
Osèlo de s-ciapo no xe mai grasso.
El baston el xe on cativo maestro.