Se no fa caldo a Lujo e Agosto sarà tristo el mosto.
El pan del paron el ga tre croste.
A Santa Toscana i rondoni se slontana. (14/7)
De note tute le vache xe more.
Co'l cavéjo tra al bianchin, assa la dona e tiente el vin.
Ocio no vede e boca tase par chi che vol vìvare in pase.
De istà ogni beco fà late, de inverno gnanca le bone vache.
La justizia xe fata a maja.
Boca onta no la pole dire de no.
Piova o sole, le strighe va in amore.
No ghe xe gnente de pì bon del colo del capon.
Quando che la barca va ogni cojon la para.
Legno de sanbugaro no fa bronza e no fa ciaro.
El vilan el vendarìa el gaban par formajo, piri e pan.
A tola e leto no se porta rispeto.
Magnà i gànbari se ciucia anca le zate.
El vin al saore, el pan al colore.
A Santa Pologna la tera perde la rogna. (9/2)
A l'amo se ciapa el pesse, i òmani a l'intaresse.
Bonora al marcà e ala fiera, tardi ala guera.
San Piero benedisse la tenpesta.
L'amigo del prete perde la relijon, l'amigo del dotore perde la salute, l'amigo del'avocato perde la causa perde la causa.
Fato ben o fato male, dopo el trato se beve el bocale.
Tuti ga la so ora de mona.
Al son de la canpana (schei) ogni dona se fa putana.
San Valentin dal fredo fin, l'erba la mete el dentin. (14/2)
Bronza cuerta brusa la traversa.
Pitosto che le tarme la magna, xe mejo che i osei la bècola.
Neve novenbrina trédese volte la se rafina.
Chi che nasse tacà a on fosso spuza senpre da freschin.
Conpra poco e guadagna tanto.
Chi ga el cao dala soa ga in culo i sbiri.
La prima galina che canta ga fato l'ovo.
Spendi la moneda par quelo che la vale.
La burla no la xe bela se no la xe fata a tenpo.
Aprile, tuti i dì on barile.
Né co torenti, né co potenti no star strénzare i denti.
A San Clemente l'inverno mete el dente. (23/11)
El vin xe bon par chi che lo sa bévare El vin xe el late di' veci.