L'amore fà passare el tenpo, e 'l tenpo fà passare l'amore.
Bota che canta la xe voda.
Se Giugno sguaza poco vin in taza.
Primo sparagno, primo guadagno.
Piova o sole, le strighe va in amore.
Chi nasse mato no guarisse mai.
Ogni Santo vole la so candela.
Fumo e dona ciacolona fà scanpare l'omo de casa.
Quelo che no sòfega ingrassa.
Se Dio no vole, gnanca i Santi pole.
San Paolo ciaro inpinisse el granaro. (25/1)
Ale làgreme de on erede xe mato chi che ghe crede.
La bota la dà el vin che la ga.
Chi che ride de vènare pianze de domenega.
Se piove ai quaranta Santi, aqua par altretanti.
A barca rota no ghe serve sèssola.
Santa Giuliana el fredo se rufiana. (16/2)
A fare a modo soo se scanpa dies'ani de pì.
Al dì d'i morti la neve xe ale porte. (2/11)
A magnare el zervelo del pesse se deventa intelijente.
Par amore no se sente rason.
Tenpo, done e siuri i fà come che i vole luri.
Bondanza e roganza xe tuta na piatanza.
In casa de ladri no se roba.
Mèjo le braghe sbuse sol culo che el culo sbuso so le braghe.
A San Tizian on fredo can. (16/1)
Co' bala l'ocio drito, cuor contrito; co' bala l'ocio zanco, cuore infranto.
Co' manca el méjo i osei se beca.
La beleza la va e la vien: la xe la bontà che se mantien.
Tuti va al molin col so saco.
Chi che pissa contro vento se bagna la camisa.
Ogni galo senza cresta xe on capon, ogni omo senza barba xe on cojon.
Se tuti i basi fusse busi, tuti i musi sarìa sbusi.
Par San Matio le jornade torna indrio.
Barbi e rane mai de Majo, parché i fa tristo passajo.
Majo suto, gran dapartuto.
Omo de confin, o ladro o assassin.