La roba donà fà male ala panza.
Chi vole stare san dai mèdeghi staga lontan.
El mèjo xe nemigo del ben.
Leto fato e fémena petenà, la casa xe destrigà.
Co'l sole tramonta i àseni se ponta.
El musso, co'l ga magnà el volta el culo ala grupia.
La roba che se buta via coi piè, vien dì che la se rancura co le man.
Co' piase la roba no se varda la spesa.
Spendi la moneda par quelo che la vale.
Fare i mistieri che no se conosse i dìnari i deventa mosche.
Piova de San Roco la dura poco.
Fin che l'invidioso se rode, l'invidia se gode.
Viso belo pare bon co qualunque capelo.
Tuti quanti semo mati par chel buso ca semo nati.
No ghe xe sordo pì grande de quelo che no vole scoltare.
Fin che ghe xe fià ghe xe speranza.
Tera negra fà bon fruto, tera bianca guasta tuto.
A San Bovo se ronpe el primo ovo. (2/1)
La camisa del spazacamin xe senpre sporca.
Bisogna tacare el musso dove che vole el paron.
Polenta nova e osei de riva, vin de grota e zente viva.
Co' la fame vien drento par la porta, l'amore va fora pa'l balcon.
Agosto rinfresca el bosco.
S-ciopo vodo fà paura a du.
Tra i poariti se lega, tra i siuri se se frega.
Presto in pescaria, tardi in becaria.
L'amore no xe fato solo de amore.
El male che se vole no xe mai massa.
El riso nasse da l'aqua e 'l ga da morire sol vin.
Assa che la mojère la comanda in casa: solo cussì la te struca e la te basa.
La burla no la xe bela se no la xe fata a tenpo.
Chi che ga paura del diavolo no fà schei.
No vien Majo se no fiorisse le rose.
El moleta fà girare la rua, el cortelo intanto se frua.
El mèdego pietoso fà la piaga verminosa.
A 'sto mondo ghe xe chi che la ghe piase cota e chi che la ghe piase crua.
Ocio celeste, ocio de dama; ocio moro, ocio da putana.
Chi prima va al mulin prima màsena.
Quando le done fa la lissia sola via, l'inverno sbrissa via.