Magna la lana, ma salva la piégora.
A tusi e mati no se comanda.
Xe par la boca che se scalda el forno.
A ogni culo el so cagare.
A barca rota no ghe serve sèssola.
La pignata de l'artesan, se no la boje oncuò la boje doman.
La pezo roa del caro xe quela che ruza.
Pólvare de Jenaro la inpina el granaro.
A Santa Toscana i rondoni se slontana. (14/7)
Quando canbia on prete, tra fare e desfare l'è tuto on laorare.
Beata chela sposa che la prima che la ga la sia na tosa.
Le mosche le va drio ai cavai magri.
Co' te vidi par strada on bòzolo, no starte fermare: o pesi da portare o bote da ciapare.
Quando ruza el fogo, zente, parente o lengua maldizente.
Se na dona xe bela, partorisse na putela.
Dona e luna, ora serena ora bruna.
Merda e aqua santa fà la racolta tanta.
Chi vole, vaga; chi no vole, manda.
La spia xe pezo del ladro.
Chi fà i fati sui no se sporca le man.
El butare via xe parente del piànzare.
L'onbra d'istà fà male ala panza d'inverno.
Agosto rinfresca el bosco.
Chi vole on bel ajàro lo pianta de Jenaro.
A San Valentin el giazo no tien gnanca pì on gardelin. (14/2)
Bisogna menare el dente conforme che uno se sente.
Luna in piè, marinaro sentà; luna sentà, marinaro in piè.
I veci porta la morte davanti e i zòvani de drio.
Quando el Venda fa el pan, se no piove oncuò piove doman.
A San Firmin, sòmena el contadin. (11/10)
Bone parole e cativi fati ingana savi e mati.
L'omo propone, Dio dispone.
Dio manda el fredo secondo i pani.
Laòro de manareto poco e maledeto.
Boca onta no la pole dire de no.
El vin al saore, el pan al colore.
Se va ben la matina, tuto el dì ben camina.
Mèdeghi e guera spopola la tera.