Quando ruza el fogo, zente, parente o lengua maldizente.
Quando che l'aqua toca el culo tuti inpara a noare.
A chi nasse scarognà ghe piove sol culo stando sentà.
El vin al saore, el pan al colore.
Chi cominzia ben el primo de l'ano sta ben tuto l'ano.
A somenare col vento se perde la somenza.
Se Nadale vien senza luna, chi ga do vache se ne magna una.
Prete in capela, novità bela.
Dai a chel can che'l xe rabioso.
El vilan el vendarìa el gaban par formajo, piri e pan.
Volta i cai dopo na piova.
Co' canta le zigàle de Setenbre no conprare gran.
Chi piègora se fà el lupo se lo magna.
A l'amo se ciapa el pesse, i òmani a l'intaresse.
L'omo propone, Dio dispone.
Mèjo on magro acordo che na grassa sentenza.
A San Bernardin fiorisse el lin. (20/5)
Fin che ghe xe fià ghe xe speranza.
El fero se piega, el legno se ronpe.
Santa Poinara, la vecia (galina) sora la caponara.
Fà la corte ale vecie se te vo' piasérghe ale zòvane.
Anca l'ocio vole la so parte.
A on belo senpre ghe manca, a on bruto senpre ghe vanza.
A ogni culo el so cagare.
No ghe xe straza che no la vegna bona.
Quando la canavera fà el penacio, tanta neve e tanto jazzo.
El nome di' zucuni xe scrito sui cantuni.
Pan che canta, vin che salta e formajo che pianza.
Fioi da slevàre, fero da rosegare.
Se te ghe na bruta mojere, va in leto al scuro.
A Sant'Andrea se veste tuta la fameja.
A barca rota no ghe serve sèssola.
Chi va al marcà co pochi schei li spende male.
Quando el Venda fa el pan, se no piove oncuò piove doman.
Magari polenta e pessin, ma na bela testa sol cussin.
A quatro a quatro se inpinisse el saco.
Chi che fa el conto prima de l'osto el lo fa do volte.
Chi vol èssare ben vardà vaga a messa scumizià.