Del calendario e dela passienza no se pole fare senza.
Jenaro suto, gran dapartuto.
Co' te vidi par strada on bòzolo, no starte fermare: o pesi da portare o bote da ciapare.
Primo sparagno, primo guadagno.
La parola liga l'omo, la corda el musso.
L'avaro xe come el porco, che no'l xe bon che dopo morto.
La dona xe come la castagna: bela de fora, dentro la magagna.
Le canpane de San Martin vèrze le porte al vin.
I siuri ga el paradiso de qua e quelo de là i se lo conpra.
Quando xe ciara la montagna, magna, bivi e va in canpagna.
Chi va in leto senza zena tuta la note se remena.
Par i Santi, neve sui canpi; par i Morti, neve sui orti.
Voltà el canton, passà la passion.
Dopo i confeti se vede i difeti.
Viva el caro parente, ma guai se no'l ga assà gnente.
Sole de vero e aria de fessura porta ala sepoltura.
Dopo i ..anta ganbe che trèmola, tete che scanpa.
Mai assàre la strada vecia par quela nuova.
San Bogo, la torta al fogo.
Dura depì na pignata rota che una sana.
I fasoi veci nasse in panza.
La panza d'i preti la xe el zimitero d'i capuni.
El segreto dele femene no lo sa nissun, solo mi, vu e tuto el comun.
Quando el merlo canta d'amore Febraro finisse.
No se pole far cagare i mussi par forza.
Nela luna setenbrina la sardela se rafina.
El vilan xe largo de boca e streto de man.
Quatro a on segon, du a on capon.
Se no te caghi te cagarè, se no te pissi te creparè: Se no te me vidi de San Giusepe patriarca, o che son perso o che son in aqua. (19/3)
Na pena ala volta se pela l'oca.
Xe on bravo can el can che furfa par elo.
Chi nasse mato no guarisse mai.
Oci mori, rubacuori; oci bisi, paradisi; oci celeste fà inamorare; oci bianchi fà cagare.
Volta i cai dopo na piova.
No se pole caminare sola neve senza assare peche.
Par San Damàso el fredo al toca el naso.
A Setenbre, chi xe esperto no viaja mai descuerto.
El marzaro, prima el fà i schei e dopo la cossienza.
Chi prima no pensa dopo sospira.