Se par Setenbre no te ghe arà, tuto l'ano xe malandà.
Ogni fémena xe casta se no la ga chi la cazza.
Quando semo a San Simon, ogni straza la vien bon.
A 'la Madona del Rosario el pitaro de passajo. (6/10)
Chi ga fato le pignate pol anca rònparle.
Quando che piove el dì de San Gorgon, piove par na stajon. (9/9)
Par amore no se sente rason.
Chi che xe destinà par la forca se nega.
Se fà belo a San Gorgon la vendema va benon.
Co' névega sola foja l'è on inverno che fa oja.
On bel védare fà on bel crédare.
San Paolo San Paolon, tote su la scala e va a bruscare el vegnon.
Ogni can mena la coa, ogni mona vol dire la soa.
Cadena tirà fà la pase in ca'.
Dotori e preti no dà mai gnente a nissun.
Neve de Jenaro inpina el granaro.
A Sant'Ubaldo se fa vanti el caldo. (16/5)
Sant'Agostin, taca le màneghe al bustin.
Pitosto che'l palin, mejo el spazin.
Se Febraro no verdéga in Aprile no se sega.
Quando che l'Anzolo Michele se bagna le ale piove fin a Nadale.
Dove che ghe xe tose inamorà, xe inutile tegnere le porte sarà.
Chi che ronpe de vecio paga de novo.
Chi gira leca, chi sta a casa se seca.
Caval, putana e persegar trent'ani no i pol durar.
Omo vivo pagarà, omo morto ga pagà.
Roba robà, come la vien la va.
Chi cominzia ben el primo de l'ano sta ben tuto l'ano.
Tri mussi e on vilan fà quatro bestie.
L'aqua de San Gregorio fà ranpegare la végna.
A torghene e no metarghene el mucio cala.
Vale depì na candela davanti che on candeloto de drio.
Conti de Lendinara e nobili de Ruigo no vale on figo.
Fredo e fame fà on bruto pelame.
O tardi o bonora, l'osto va in malora.
El mondo xe grande: basta voler caminare.
El malà no magna gnente e 'l magna tuto.
El magnare di poariti l'è in bisaca ai siuri.
