A Santa Madalena la nosa xe piena. (22/7)
La rason del poareto no la vale on peto.
L'inverno l'è el boia di' veci, el purgatorio di' putei e l'inferno di' poariti.
Xe mèjo sbrissare co' i piè che co la lengua.
Chi cominzia ben el primo de l'ano sta ben tuto l'ano.
Le bele par dileto, le brute par dispeto.
Par San Domin sòmena el contadin.
A San Luca el ton el va in zuca. (18/10)
Ai ultimi de Setenbre, i fringuei par la tesa.
El malà no magna gnente e 'l magna tuto.
Majo ortolan, tanta paja e poco gran.
Quando xe ciara la montagna, magna, bivi e va in canpagna.
Tuti quanti semo mati par chel buso ca semo nati.
Co' se ga scumizià no ghe xe pì retegno.
Né na parola dita, né on naso tirà no torna indrio.
El musso, co'l ga magnà el volta el culo ala grupia.
A poca oja no manca scuse.
Aprile, tuti i dì on barile.
Quelo che no sòfega ingrassa.
El pèrdare xe parente del piànzare.
A la luna de Setenbre la ua e el figo pende.
Chi davanti te fa le bone de drio te sbefa.
La prima fachina, la seconda regina.
Tacà a on ciodo, ma vivo.
Candelora, de l'inverno semo fora, ma se piove e tira vento de l'inverno semo drento.
Se no fa caldo a Lujo e Agosto sarà tristo el mosto.
La boca no xe straca se prima no la sa de vaca.
A sentarse so do careghe el culo se sbrega.
Chi no se inzegna fa la tegna.
Dele volte el Santo xe grande, ma el miracolo xe picolo.
Chi cominzia ben el primo de l'ano sta ben tuto l'ano.
A San Luca le lòdole se speluca. (18/10)
La parola liga l'omo, la corda el musso.
Tira depì on pelo de mona che on paro de buò.
A Sant'Ana le nose va in tana.
Na volta core el lièvore, na volta core el can.
El baston el xe on cativo maestro.
