El diavolo va a cagare senpre sol monte pì grande.
Priego a magnare, priego a laorare.
Co'l galo canta so la zena, se no xe belo se serena.
El pesse spuza dala testa.
La panza d'i preti la xe el zimitero d'i capuni.
Quando ch'el gato dorme i sorzi bala.
Co' manca el méjo i osei se beca.
El bon vin se vende a la soja.
La roba bona no la xe mai cara.
Libri, done e cavai no se inpresta mai.
No se pole far cagare i mussi par forza.
Le novità le piase a chi che no ga gnente da pèrdare.
Quando el Venda fa el pan, se no piove oncuò piove doman.
A Santa Crose, pan e nose. (14/9)
Sant'Omobon, neve o tenpo bon. (13/11)
A Santa Catarina el jazo so la pissina.
Chi mistièro no sa botega sara.
Par scòndare i difeti basta frequentare conpagnie dela stessa cagà.
Jenaro co la pòlvare, granaro de ròare.
Co' riva l'ora terza, o la se driza o la se roversa.
Par scòndare i difeti basta frequentare conpagnie dela stessa cagà.
Santa Giuliana el fredo se rufiana. (16/2)
La zeola la xe la rufiana del cuogo.
Viva el caro parente, ma guai se no'l ga assà gnente.
Né panza, né rogna, né tosse se sconde.
Marzo sventolaro fromento in granaro.
Sa volì védare el diluvio universale, metì dodese preti a tola a magnare.
Piova de San Roco la dura poco.
La roba no xe de chi che la fà, ma de chi che la gode.
A San Luca el ton el va in zuca. (18/10)
O prima o dopo se fà anca le zuche.
Le zuche nate fra le do madone le xe le pì bone.
Alba rossa, o vento i joza.
Quando la rosa buta el spin, magna gò e passarin.
L'aria de San Matìa (24/2) dura fin a San Giorgio, e l'aria de San Giorgio dura fin a S.Urban.
Viso belo pare bon co qualunque capelo.
Conpare de anelo pare del primo putelo.
