No ghe xe nessun ladron che no gabia la so devozion.
L'aqua de Majo ingrassa el formento.
No ghe xe avere che conta depì del savere.
A Sant'Antonio (Abate) on passo de demonio. (17/1).
La caena no ga paura del fumo.
Quando semo a San Simon, ogni straza la vien bon.
Loame de porco no loama né canpo, né orto.
El pesse ga da noare tre volte: prima intel'aqua, dopo intel'ojo e la terza 'ntel vin.
Co' canta el ciò xe finio de far filò.
Osèlo de s-ciapo no xe mai grasso.
Piova de Jenaro, erba de Febraro.
La legna la scalde depì prima de trarla drento la stua che dopo.
Tanti can mazza on lovo e on solo can baja a la luna.
Fioi picoli, pensieri picoli; fioi grandi, pensieri grandi.
Va' in leto co le galine e lèvate quando che canta el galo.
Facile xe piantare ciodi, ma dificile xe s-ciodarli.
Bisogna tacare el musso dove che vole el paron.
Par San Damàso el fredo al toca el naso.
La carità, farla anca al diavolo, la xe senpre ben fata.
Vale depì on'ora de alegria che zento de malinconia.
Quando ch'el xe tajà e inbastìo ogni cuco ghe va drio.
El male no domanda permesso.
Sa volì védare el diluvio universale, metì dodese preti a tola a magnare.
A magnare on spigo de ajo, se spuza come a magnarghene na resta.
Conpra poco e guadagna tanto.
Rìdare e vardare xe parente del cojonare.
Putei e colunbi insmerda la casa.
L'union dela fameja sta int'el casson dela farina.
No ghe xe pignata che covercio no la cata.
Dele volte el Santo xe grande, ma el miracolo xe picolo.
No se pole cantare e portare la crose.
Chi che paga avanti el trato, servizio mal fato.
Co' te vidi par strada on bòzolo, no starte fermare: o pesi da portare o bote da ciapare.
A canbiare munaro se canbia ladro.
Viso belo pare bon co qualunque capelo.
Ghe xe pì dì che luganega.
L'ultimo abito ch'i ne fà l'è senza scarsèle.
On pomo de matina te cava el cataro e te fa pissare ciaro.
