Chi che ga na bela mojère no la xe tuta soa.
Se fà fredo a San Luigino, farà caldo a San Paolino. (21/6-22/6)
Le mosche le va drio ai cavai magri.
Se l'invidia fusse freve tuto el mondo scotaria.
Ocio celeste, ocio de dama; ocio moro, ocio da putana.
L'inverno l'è el boia di' veci, el purgatorio di' putei e l'inferno di' poariti.
Chi vole el pomo sbassa la rama, chi vole la tosa careza la mama.
La caena no ga paura del fumo.
Se Majo fà fresco va ben la fava e anca el formento.
Mèjo on tacon che mostrare el culo.
Quando che manca i cavai i mussi trota.
Chi pì capisse pì patisse.
La camisa del spazacamin xe senpre sporca.
Chi che xe vizin ala cusina magna minestra calda.
Quando che'l sole indora, nieve, nieve e nieve oncora.
Misura el ciodo prima de piantarlo.
A San Nicòlo tira la neve sol colo. (6/12)
Na pena ala volta se pela l'oca.
El bòvolo xe on pasto fin: bon par el vecio, bon par el putin.
A l'Imacolata se scumizia l'invernata.
Chi no tien conto de on scheo, no vale on scheo.
Xe mèjo on "to" che zento "te darò".
A viajare se se descanta, ma chi che parte mona el torna indrio mona.
A San Simon se cava la rava e 'l ravanon. (28/10)
El rosso xe par l'avocato, la ciara par le spese e la sgussa par chi che vinze.
Né panza, né rogna, né tosse se sconde.
Aria de fessura porta ala sepoltura.
Volta i cai dopo na piova.
Merlo in te'l camin trema el contadin.
Uno roba la polpa e 'staltro ciapa la colpa.
L'aqua de Majo ingrassa el formento.
Polenta e puina, pì che se core, manco se camina.
El mondo xe grande: basta voler caminare.
Pare che guadagna, fioi che magna.
Se i dise male de to fiola, ciama la comare.
Ala prima aqua de Agosto, pitoco te conosso.
Sola vita de on omo che'l sia on omo ghe xe senpre almanco na ostaria.
A tola e leto no se porta rispeto.
Puina in ponta, formajo in crosta e salame in coa.
